web counter
LEXO PA REKLAMA!

SHKARKO APP

App Store
Google Play

E fundit!

x

Mesazh i Avokatit të Popullit, z. Igli Totozani, në Ditën e Europës

9 Maj 2017, 13:14, Aktualitet CNA

Në Ditën e Europës, Avokati i Popullit, z. Igli Totozani, shpreh bindjen se Shqipëria dhe shqiptarët do të vijojnë përpjekjet në rrugën e nisur drejt bashkimit zyrtar me familjen europiane. ?Shoqëria shqiptare ka ecur përpara dhe rritet çdo ditë. Secili prej nesh ndjen natyrshëm përkatësinë europiane dhe jo vetëm nga këndvështrimi gjeografik, por në gjithë dimensionin e saj ?, shprehet z. Totozani, në këtë ditë të shënuar për të gjithë Europën dhe europianët, pikënisja e së cilës lindi si një ëndërr pas Luftës së Dytë Botërore dhe firmosi paqen dhe zhvillimin pas thirrjes së ministrit të jashtëm francez Robert Shuman, për bashkëpunim dhe progres të të gjithë vendeve europiane.

Nisur nga kjo ëndërr e bërë realitet, falë vullnetit dhe mençurisë së drejtuesve të shteteve europiane, Avokati i Popullit, z. Igli Totozani, thekson rëndësinë që merr kontributi i gjithsecilit, e vecanërisht ai i vendimmarrësve në vend, për garantimin e kushteve dhe mundësive për një jetë dinjitoze për çdo shqiptar, e sidomos për ata që kanë më shumë nevojë, për grupet në risk të shoqërisë.

?Sfidë për europianizimin e shoqërisë sonë është dhe mbetet orientimi i energjive dhe kontributeve në rrugën e progresit ekonomik dhe social, ku më i dobëti gjen solidaritet dhe mbështetje, ku të gjithë qytetarët gëzojnë të drejtat e tyre, ku shteti funksionon si rregullator për mbarëvajtje dhe mirëqënie dhe ku drejtësia i përket atij që ka të drejtën sipas ligjit dhe ajo atij që është më i fortë?, shprehet z. Totozani.

Avokati i Popullit në Ditën e Europës i bën thirrje, drejtuesve të institucioneve, punonjësve të administratës shqiptare, por edhe çdo qytetari që në çdo moment të përditshmërisë së tyre, të ofrojnë më të mirën, si një kontribut por edhe si një detyrim që vendi kërkon e meriton prej tyre./CityNews





Lajmet e fundit nga