web counter
LEXO PA REKLAMA!

SHKARKO APP

App Store
Google Play

E fundit!

x

Investigimi/Skandali në Bashkinë Kolonjë, 1.51 miliardë lekë tendera fitohen me 100% të vlerës

9 Maj 2017, 10:49, Aktualitet CNA

Tenderat elektoralë kanë filluar. Mjafton të hedhësh një sy në buletinin e APP dhe shikon sesi bashkitë e Rilindjes apo institucione të tjera qëndrore po tenderojnë miliarda lekë me 99.99 apo 100% të fondit lumit apo shumës së tenderuar.

CityNews sjell një rast në një bashki periferike të Shqipërisë e cila sot ka dy ish bashki të vogla dhe 5 njësi të tjera administrative me një total banorësh që sipas Censusit të vitit 2011, numëron 11.070 banorë, ndërsa sipas Regjistrit të Gjendjes Civile, bashkia numëron një popullsi prej 19.919 vetësh. Kryetari i bashkisë Kolonjë është zgjedhur me 5100 vota përballë rivalit të tij me 3000 mijë vota, disa muaj më parë.

Kjo bashki e vogël në jug-lindje tenderon dhe shpall fitues të tre tenderave në buletinin e APP të datës 8 maj 2017 shumën 151 milionë lekë ose 1.51 miliardë lekë të vjetra.

Sipas një llogarie të thjeshtë bazuar  tek Censusi i popullsisë rezulton se çdo banor i bashkisë Kolonjë me këto tendera të ketë përfituar një investim prej 136 mijë lekë të vjetra.

Në fakt këto para nuk janë shpërndarë për qytetarër, por janë tenderuar me tre tendera me vlera maramendëse të cilat janë fituar nga 99.99% e vlerës deri në afërsisht 100% të shumës. Në tendera marrin pjesë thuajse të njëjtat subjekte dhe  gjithçka duket e parapërgatitur.

Tek tenderi i parë është një shumë 790 milionë lekë dhe nga tenderi ku kanë marrë pjesë 5 firma, fituesi është shpallur me vetëm 204 mijë lekë me pak se shuma e tenderuar, afërsisht 100% e vlerës. Shuma do përfitohet nga zbatuesi në vetëm 6 muaj. Më poshtë tenderi i parë sipas shifrave të APP.

Përshkrim i shkurtër i kontratës: ?Rruga hyrese ne fshatin Selenice, Starje dhe Taç ? Lartë?

Fondi limit pa TVSH:79 204 032 (Shtatedhjeteenentemilionedyqindekatermijeetridhjeteedy) leke pa tvsh Afati për realizimin e shërbimit : 6 ( Gjashtë ) muaj kalendarik duke nisur nga dita e lidhjes së kontratës.

Bashkimi i operatoreve ekonomik Arkonstudio Shpk & Ndregjoni Shpk numri i NUIS L 42019004 I NUIS K 31329048 I Vlera 79.180.242 (shtatedhjete e nentemilionenjeqindetetedhjetemijeedyqindedyzetedy)lekë pa Tvsh

Ulur vetëm 23 mijë lekë të reja, afërsisht 100% e vlerës së tenderit.

Në tenderin e dytë me vlerë 420 milionë lekë janë ulur vetëm 325 mijë lekë, afërsisht 99.9999% e totalit të vlerës së tenderuar dhe kanë garuar sërish 5 firma. Shuma do të përfitohet nga subjekti zbatues në vetëm 3 muaj. Më poshtë tenderi i dytë sipas shifrave të APP.

 Përshkrim i shkurtër i kontratës: ?RIKUALIFIKIMI I QENDRËS SË QYTETIT LESKOVIK?

Fondi limit pa TVSH: 42 133 115 (Dyzeteedymilionenjeqindetridhjeteetremijeenjeqinde pesembedhjete) lekë pa TVSH Afati për realizimin e shërbimit : 3 ( tre) muaj kalendarik duke nisur nga dita e lidhjes së kontratës.

Operatori ekonomik Kthella Shpk J 69303023 D Emri i plotë i shoqërisë numri i Nuis-it Vlera 41,807,722 ( Dyzeteenjemilioneteteqindeshtatemijeeshtateqindenjezeteedy ) lekë pa Tvsh (me numra dhe fjalë)

Ulur vetëm 325 mijë lekë të reja

Në tenderin e tretë me vlerë rreth 300 milionë lekë kanë garuar vetëm 3 subjekte dhe shuma e kursyer është vetëm 220 mijë lekë, afërsish 100% e vlerës totale, ose për saktësi 99.999999999%. Shuma do përfitohet nga zbatuesi në vetëm 2 muaj. Më poshtë tenderi i dytë sipas shifrave të APP.

Përshkrim i shkurtër i kontratës: ? RIKONSTRUKSION I RRUGES ” 20 MAJI ” NE HYRJE TE QYTETIT ERSEKE ?

Fondi limit pa TVSH: 29 997 534 (Njezeteenentemilionenenteqindenentedhjeteeshtatemijee peseqindetridhjeteekater) lekë pa TVSH Afati për realizimin e shërbimit : 2 ( dy) muaj kalendarik duke nisur nga dita e lidhjes së kontratës

Operatori ekonomik Kthella Shpk J 69303023 D Emri i plotë i shoqërisë numri i Nuis-it Vlera 29,777,464(Njëzetëenëntëmilioneshtatëqindeshtatëdhjetëeshtatëmijëekatërqindegjashtë dhjetëegjashtë ) lekë pa Tvsh

Vlera e ulur është vetëm 220 mijë lekë

CityNews po sjell më poshtë të gjithë informacionin zyrtar publikuar nga APP ku duhet qartë se Bashkia e Kolonjës ka tenderuar 1.51 miliardë lekë dhe shuma totale e kursyer nga taksat e shqiptarëve është vetëm 5 milionë lekë të vjetra në të tre tenderat e zhvilluara. Një rast flagrat që nge dyshime të forta për një aferë të pastër korrupsioni ku fituesit janë afërsisht me 100% të vlerës. Investime të firmosura nga krybashkiaku i ri Kolonjës Ilia Stefo, që me shumë gjasa është përdorur nga Rilindja për të justifikuar këto miliarda letë të cilat mund të përdoren në fushatën elektorale që zyrtarisht ka filluar.

Ky është një nga ato raste kur prokuroria nuk mund të heshtë por menjëherë duhet të investogojë dhe të zbardhë këto miliarda të cilat gjoja në emër të investimeve publike, shumat fryhen disa herë dhe milionat e fituara shkojnë për fushatat elektorale./CityNews

 





Lajmet e fundit nga