E fundit!

12:42 Aktualitet

Operacioni i BKH-së pa praninë e Policisë së Shtetit/ Flet kreu i BKH-së, Joni Keta

Kreu i BKH-së Joni Keta ka folur për operacionin ku u arre...

Rama dhe Basha kapen duke vjedhur

9 Maj 2017, 11:46, Aktualitet CNA

Dy krerëve të partive të mëdha në Shqipëri, Lulzim Basha dhe Edi Rama, ju kanë shteruar idetë. Ata janë kapur duke vjedhur qëndrimet dhe artikulimet politike të një prej politikanëve me aktive, që së fundi ka themeluar partinw LIBRA, Ben Blushi.

Së pari është kapur duke vjedhur Lulzim Basha. Nga çadra e protestës, në datën 21 prill 2017 ai artikuloi si ofertë të PD zgjedhjen e Presidentit nga populli, duke thenë: ?Presidenti nuk është as i Ramës dhe as i Metës. Duhet të votohet nga populli. Të ndryshohet Kushtetuta, pushteti të jetë i popullit. Oferta jonë, të votohet nga populli?.

Në fakt, oferta e Bashës nuk ishte veçse plagjaturë, vjedhje e idesë që Ben Blushi kishte artikuluar për të parën herë në vitin 2007, kur u bë zgjedhja e presidentit Bamir Topi, pasi një grup deputetësh socialistë iu bashkuan votimit. Ide që e ripërsëriti edhe në emisionin ?Opinion? të datës 20 prill 2017.

Por Basha i ka vjedhur Ben Blushit edhe termat ?Republika e re-Republika e vjetër?, të cilat i përdori fillimisht në ditën e trembëdhjetë të çadrës, duke e monopolizuar madje, kur, në fakt, ?Republikën e re? dhe ?Republikën e vjetër?, Blushi e kishte anonçuar në 04 shkurt të këtij viti si një nga 20 idetë e programit të LIBRA-s. “Do vendosim nje Republike te Re kunder Republikes se vjeter te Krimit dhe Korrupsionit” u tha Blushi dhjetë mijë anëtarëve të forcës së tij të re.

Lulzim Basha i ka grabitur Ben Blushit edhe idenë e një Parlamenti jo me 140, por me 100 deputetë, të cilin Blushi e artikuloi në dt. 04 janar 2017, nëpërmjet një statusi në rrjetet sociale. ?Dikur në fshatrat malorë ngrinin prita për të penguar ujqërit. Ndoshta mund të përdoret si teknikë duke zvogëluar derën e parlamentit. Një parlament më i vogël do ishte një hapësirë më e kufizuar për kaq shumë vulg. Unë jam për një parlament me 100 deputetë?, shkruante ndër të tjera Blushi.

?Republika e Re ka nevojë për disa ndryshime madhore në sistemin politik në vend si ulja e numrit të deputetëve në 100 nga 140?, komunikoi Lulzim Basha, në datën 02 maj, ndërsa shpaloste platformën e Republikës së re.

Mirëpo Basha nuk është i fundit që ia ka kopjuar idetë Ben Blushit. Të njejtën gjë ka bërë sot edhe Edi Rama, kryetari i socialistëve, kur nga foltorja e Kongresit Elektroal të PS, në Durrës ka përdorur fjalë për fjalë frazën e Blushit: ?Shqipërinë më shumë se Partinë?, frazë të cilën Blushi e artikuloi në muajin prill 2015, duke shkaktuar përplasje midis tij dhe Taulant Ballës, që e akuzoi se ishte kundër PS. Madje me këtë slogan, pra ?Shqipërinë mbi Partinë?, në 16 prill Blushi nisi lëvizjen kundër ?Rilindjes? së Edi Ramës./CityNews