web counter
LEXO PA REKLAMA!

SHKARKO APP

App Store
Google Play

E fundit!

x

Basha sulmon Berishën dhe Topallin

6 Maj 2017, 12:13, Aktualitet CNA

Kreu demokrat, Lulzim Basha, gjatë fjalës së tij sot në çadër, ka sulmur grupin parlamentar, duke mos i njohur atij asnjë meritë. E vetmja fitore e këtyre 3 vite e gjysmë opozitë të Lulzim Bashës, sipas tij, ishte tërheqja e kandidatit socialist në Kavajë, fitore e arritur nga çadra. Basha nuk bën asgjë tjetër thjesht sulmon ata që ka zgjedhur Berisha në vitin 2013, por në fakt ai e sulmon drejtpërdrejt Sali Berishën dhe Jozefina Topallin. Kjo për faktin se këta janë dy personazhet kryesorë të aksionit politik parlamentar të Partisë Demokratike.

Berisha dhe Topalli, pa përjashtuar edhe personazhe të tjerë politikë, janë dy emra që kanë pasur më shumë përplasje të drejtpërdrejta, që nga kryeministri Edi Rama dhe deri te deputeti i fundit socialist. Sali Berisha i ka denoncuar me emra dhe fakte në Parlament personat e inkriminuar dhe të lidhur me drogën e krimin. Jozefina Topalli ka qenë e para deputete demokrate që i drejtoi gishtin Mark Frrokut, të cilin e akuzoi si vrasës dhe përdhunues.

Sulmi i sotëm i Lulzim Bashës ndaj grupit parlamentar në përgjithësi dhe Berishës e Toapllit në veçanti është një akt i paprecedent në Shqipëri dhe ky është një hap mjaft i fortë i Bashës, i cili qëllim të parë në vetëvete ka konsolidimin e tij në PD. Këtë tashmë e bën edhe duke sulmuar liderin historik, Sali Berisha, dhe zonjën Jozefina Topalli, por edhe të gjithë drejtuesit e rëndësishëm politikë që janë pjesë e grupit parlamentar të PD./CityNews





Lajmet e fundit nga