web counter
LEXO PA REKLAMA!

SHKARKO APP

App Store
Google Play

Detaje nga ngjarja në Korçë/Policia: Vetëdorëzohet autori me të meta mendore

30 Prill 2017, 20:37, Aktualitet CNA

Policia e Korçës ka dhënë detaje të reja për ngjarjen e ndodhur mbrëmjen e sotme, ku një i sëmurë mendor ka qëlluar disa herë me thikë një të ri.

Uniformat blu bëjnë me dije se i plagosuri ka marrë plagë të lehta në fytyrë, duke u dërguar menjëherë në spital. Ndërkohë, autori është vetëdorëzuar dhe po shoqërohet në polici.

Njoftimi i plotë i policisë:

Më datë 30.04.2017, jemi njoftuar se në lagjen nr 15 Korçë, një person ka goditur me mjet të mprehtë (thikë) shtetasin R.Z, rreth 60 vjeç.
Menjëherë në vendngjarje u dërguan shërbimet e Policisë. Shtetasi R.Z, kishte marrë plagë të lehta në fytyrë dhe u dërgua në Spital për të marrë ndihmën e parë mjekësore.
Nga hetimet paraprake rezulton se autori i kësaj ngjarje është shtetasi D.M, banues në lagjen nr 16, i evidentuar nga ana jonë si shtetas me probleme mendore.
D.M pas kryerjes të këtij veprimi u mbyll në banesën e tij. Falë negociatave të kryera nga shërbimet policore, ky i fundit është vetëdorëzuar dhe po shoqërohet në ambjentet e Komisariatit për kryerjen e veprimeve të mëtejshme proceduriale.
Gjatë kqyrjes së banesës së tij iu gjet dhe sekuestrua në cilesinë e provës materiale thika me të cilën D.M kishte goditur shtetasin R.Z. Po punohet për zbardhjen e plotë të rrethanave të ngjarjes./CityNews





Lajmet e fundit nga