web counter
LEXO PA REKLAMA!

SHKARKO APP

App Store
Google Play

Shprehën pakënaqësi për Metën president/ Shkarkohen nga puna gazetarët

30 Prill 2017, 18:16, Aktualitet CNA

Dy gazetarë janë shkarkuar nga puna pasi i kanë lejuar vetes të shprehin pakënaqësinë e tyre rreth zgjedhjes president të Ilir Metës, kryetarit të Kuvebndit dhe partisë LSI. Në akt reagimi ndaj këtij akti, nëpërmjet n jë deklarate Partia Demokratike e ka dënuar: “shkarkimin nga puna të gazetarëve Simon Shkreli dhe Eliona Shkreli, nga pronari i televionit “Channel 1″ në Shkodër”, duke vijuar të thotë se: “Agron Cela, që është deputeti i Ilir Metës dhe një prej oligarkëve të mazhorancës, për shkak të një statusi në facebook të gazetarit ku ai shprehte pakënaqësinë për zgjedhjen e Metës president.
Kjo është nje formë e re dhe e prapranueshme e censurës, ku pronarët e lidhur me qeverinë kërkojnë të kontrollojnë dhe hapësirat personale të gazetarëve siç është Facebook.

Një fenomen në rritje ky, pasi Edi Rama, Ilir Meta dhe republika e vjetër e zhytur ne krim e pazare, pasi kanë kapur pjesën më të madhe të medias, nuk durojnë as kritikat në rrjetet sociale.
Një ditë pasi mbajti fjalën në Parlament, ku tha se ai zgjedh demokracinë, Ilir Meta provoi se është binjaku i Edi Ramës si censor dhe shtypës i fjalës së lirë.

Gazetari i njohur Simon Shkreli dhe bashkëshortja e tij u pushuan nga puna prej pronarit të televizionit në Shkodër, deputetit, mikut dhe oligarkut të kësaj mazhorance vetëm për një opinion në rrjetin social.
Kjo formë e rëndë censure dhe shtypje e mendimit të lirë është në ditet e fundit dhe shpejt do të bjere bashkë me republikën e vjetër të krimit, të drogës, të koncesioneve, tenderave e oligarkëve që kanë kapur dhe median në vend”, komunikon deklara e Partisë Demokratike./CityNews





Lajmet e fundit nga