E fundit!

15:45 Aktualitet

46 ditë protestë/ Mbahet sot tubimi i radhës kundër qeverisë

Pasditen e sotme në Tiranë para Kryeministrisë mbahet prot...

“Turistët” elektoralë mbushin listat e PS dhe LSI

30 Prill 2017, 15:12, Aktualitet CNA

Pasmesnata e ditës së shtunë ishte afati i fundit i dorëzimit të listave të kandidatëve garues për deputetë në zgjedhjet e pritëshme të 18 qershorit, një afat ky i respektuar nga 14 partitë që, përfundimisht, do të jenë pjesë e garës.

Në morinë e emrave të paraqitur, përveç heqjes së socialistëve tradicionalë, eliminimit të kundërshtarëve të Ramës e Metës e zvendësimit të tyre me rilindas ramnian e bolshvikë metistë, ajo që bie në sy janë turist-kandidat-deputetët. Fjala është për kandidatët që në vend të kandidimit nëpër zonat elektorale pjesë e të cilave janë civilisht, vendosen për të qenë pjesë e garës nëpër zona elektorale me të cilat nuk kanë asnjë lidhje.

Fenomeni nuk është i ri por në këto zgjedhje bie në sy duke spikatur dhe ngritur pandehmën mos këto janë votime janë sa për të kaluar situatën e ngërçit, jo të qendrueshme, dhe paralajmëruese të faktit se do të kemi zgjedhje të parakohëshme. Por ndërsa kjo pritet të verifikohet në të ardhmen fakt është që jo pak kandidat si Elisa Spiropali, Bashkim Fino, Anastas Angjeli, Eduart Shalsi, Milva Konomi, Bledi Klosi, Musa Ulqini, Ilir Beqaj etj., madje edhe vetë kryetari i PS-së njëherësh dhe kryeministër i vendit, Edi Rama, rezultojnë të jenë pjesë e kandidaturave ?turistike?. Por jo pak të tillë gjenden edhe në listën e LSI, ku më të spikatur janë Petrit Vasili e Monika Kryemadhi, që prej vitesh e shmangin kandidimin në Tiranë, ku edhe kanë lindur e janë rritur.

Gjithë këta kandidatë ?turistë? të dy partive të maxhorancës vijojnë të preferojnë ballafaqimin me elektoratin periferik dhe jo me atë me të cilin i bashkon njohja e thellë, të cilit, pikërisht për këtë arsye i trëmben, ndërkohë që parti të tjera të vogla preferojn të kandidojnë vendorët të cilët nuk preferojnë ti votojnë për hatër të marifeteve dhe presionit të pushtetit sesa të mosdëshirës elektorale.

Prej vitesh, jo pak prej këtyre kandidaturave “turistike” rezultojnë deputet të përzgjedhur jo nga dëshira e votuesve dhe votat e marra drejtpëpërdrejtë nga elektorati, por nga qenie në krye të listave të hartuara nga kryetarët. Njeri nga të cilët, Ilir Meta i LSI-së është edhe kampioni i këtij lloj turizmi elektoral. Gjatë gjithë proceseve zgjedhore Meta ka qenë kandidat i listës së Skraparit, vendit të origjinës së Metajve. /CityNews