web counter
LEXO PA REKLAMA!

SHKARKO APP

App Store
Google Play

E fundit!

x

Partia e re e Kokëdhimës i quan të papranueshme zgjedhjet pa opozitën

30 Prill 2017, 10:36, Aktualitet CNA

Zgjedhje pa opozitën nuk mund të bëhen dhe nuk duhet të bëhen. Zgjedhjet e 18 qershorit pa opozitën janë absolutisht të papranueshme. Ka qenë deklarata e bërë nga themeluesi i partisë së re ?Zgjidhja?, Koço Kokëdhima, ish miku i afërt i kryeministrit Edi Rama, ish deputeti socialist i çmandatuar me vendim të Gjykatës Kushtetuese. I qenë prezent në qytetin e Korçës, për të prezantuar partinë e re ?Zgjidhja?, Kokëdhima ka deklaruar se:

?Zgjidhja? nuk do të marrë pjesë në zgjedhjet që nuk janë gjithëpërfshirëse, nuk do marrë pjesë kurrë në zgjedhje që e përçajnë popullin tonë. Përplasja e popullit në zgjedhje është e barabartë me tradhëtinë kombëtare. Edi Rama ka përgjegjësi politike, morale, shtetërore dhe qytetare. Nuk mund të justifikohet se ia lejon ligji të lërë jashtë zgjedhjeve 40 për qind të shqiptarëve. Këtë ai e bën vetëm për interesa personale. Disa herë ai ka mbrojtur me kokëfortësi interesin dhe pushtetin personal në dëm dhe në injorim të interesit të së majtës dhe të interesit të popullit. Në vitin 2009 ai refuzoi koalicionin me LSI dhe i dha edhe 4 vite të tjera pushtetin Berishës vetëm sepse kërkonte më shumë pushtet personal. Për të njëjtën arsye në vitin 2011 Rama e çoi në humbje Partinë Socialiste në zgjedhjet për bashkinë e Tiranës. Ata që arsyetonin me logjikë të ftohtë e dinin se Rama do e humbiste betejën, por ai i shkoi me kokëfortësi deri në fund idesë së tij, sepse nuk e mendonte dot veten asnjë ditë pa pushtet. Edhe sot ai, me kokëfortësi është duke e çuar vendin drejt konfliktit dhe destabilizimit vetëm, sepse nuk pranon ta zgjidhë këtë krizë me mjete politike. Ai është gati t?i vërë zjarrin Shqipërisë për karrigen e tij. Opozita e vendit nuk është as Sali Berisha dhe as Lulzim Basha, nuk është as trupa parlamentare e Partisë Demokratike. Opozita e vendit janë 40 për qind e popullit shqiptar, janë motrat dhe vëllezërit tanë që ndajnë bindje të ndryshme politike, ideologjike, kulturore e filozofike nga tonat. /CityNews





Lajmet e fundit nga