web counter
LEXO PA REKLAMA!

SHKARKO APP

App Store
Google Play

E fundit!

x

Përpunim droge me llampa elektrike/Çfarë “kurdisin” trafikantët në Vlorë

30 Prill 2017, 12:40, Aktualitet CNA

Policia e Vlorës ka zbuluar një ambient, që shërbente për kultivimin e bimëve narkotike nëpërmjet llampave elektrike. Pas një hetimi disa ditor, uniformat blu kanë kontrolluar garazhin e një pallati 5-katësh të pa banuar, në lagjen ?1 Maji?, pranë zonës së quajtur “Plazhi i Vjetër” Vlorë. Për pasojë, ka rezultuar se:

Brenda në këtë garazh është konstatuar një pjesë e ambientit, i cili ishte i pajisur me llampa dhe sistem elektrik të posaçëm dhe të përshtatur me kushtet bazë për kultivimin e bimëve narkotike.
Shërbimet kanë gjetur kova të mbushura me pleh si dhe sasi të vogla mbetjesh me lëndë narkotike të dyshuar si Cannabis Sattiva.

Gjithashtu, po në këtë ambient është gjetur dhe sekuestruar një mjet lundrues “Gomone” me gjatësi 8.2 m, me dy motora të markës “Mercury” me fuqi 250 CC secili si dhe një mjet tip “Fuoristradë” i cili u gjet i lidhur me gomonen.

Në afërsi të mjeteve janë gjetur dhe sekuestruar 30 bidona plastikë të mbushur me karburant “benzinë” (në total rreth 800 litra).

Për këtë ngjarje, Policia ka shoqëruar 5 persona me të cilët po punon për zbardhjen e ngjarjes.
Vijojnë hetimet në bashkëpunim me Prokurorinë për kapjen dhe arrestimin e autorëve si dhe të personave të tjerë të implikuar në këtë aktivitet kriminal duke përfshirë firmën ndërtuese apo punonjës të OSHEE-së, përgjegjës për furnizimin e këtij objekti me energji elektrike./CityNews





Lajmet e fundit nga