web counter
LEXO PA REKLAMA!

SHKARKO APP

App Store
Google Play

Thaçi i përgjigjet Hahn/ Shqipëria e Madhe, produkt i propagandës sërbe

24 Prill 2017, 17:42, Aktualitet CNA

Presidenti i Kosovës, Hashim Thaçi deklaroi sot se Komisioneri Hahn i prekur nga shqetësimet e Serbisë, paska shprehur zhgënjimin e tij për deklaratat që gjoja përfshijnë tendencat për krijimin e Shqipërisë së Madhe.

Nëpërmjet një postimi në statusin e tij social ?Facebook?, Hashim  Thaçi në vijim, shprehet se ?Për më tepër, ai paska shtuar se BE-së nuk mund t?i bëhet presion me deklarata të tilla. Fatkeqësisht, një deklaratë e tillë e një komisioneri të BE-së dëshmon saktësisht atë që e kam thënë shumë herë deri më tash, se BE-ja ka mungesë të lidershipit dhe vizionit për konkretizimin e perspektivës evropiane për Kosovën?.

Më tej, Thaçi thekson se, ?Kjo qasje dëshmon se BE-së, në rastin më të mirë, nuk i bëhet vonë kurrë për Kosovën. Ndërsa, në rastin më të keq, as që do t?ia dijë fare. Diskriminimi dhe izolimi i qytetarëve tanë sot, flet shumë më tepër se deklaratat monotone të disa zyrtarëve të BE-së që përsëriten që nga viti 2000. Projekti i Shqipërisë së Madhe është produkt i propagandës së Serbisë për të realizuar projektin e Serbisë së Madhe, i cili tashmë pothuajse funksionon nën hundën e BE-së?.

?Nuk ka Shqipëri të madhe apo të vogël, por ka vetëm Shqipëri dhe vetëm Kosovë. Dhe do të ishte mirë që edhe BE-ja ta pranojë këtë realitet dhe të fillojë ta trajtojë Kosovën si shtet të pavarur dhe sovran. HTH?, shkruan Thaçi. /gj.m/





Lajmet e fundit nga