web counter
LEXO PA REKLAMA!

SHKARKO APP

App Store
Google Play

E fundit!

x

Këto janë pronat e Mark Frrokut, që Prokuroria kërkon të konfiskohen

24 Prill 2017, 16:03, Aktualitet CNA

Prokuroria e Krimeve të Rënda ka kërkuar konfiskimin e pasurisë së ish­ deputetit Mark Frroku, vetë pak ditë pasi Gjykata e Tiranës e dënoi atë me shtatë vite e gjysëm burg.

Kërkesën për konfiskim Prokuroria e ka dorëzuar pranë Gjykatës paraditen e të sotme së bashku me listën e pasurive që kërkon të konfiskohen. Bëhet fjalë për pasuri të paluajtshme, ku hyjnë shtatë apartamente banimi, dy në Tiranë, tre prej tyre në Shëngjin, dy në Orikum.

Po ashtu Prokuroria ka kërkuar kthimin në favor të shtetit të dy dyqaneve me vendndodhje në Tiranë, dy bodrumeve në Shëngjin si dhe gjashtëmijë metra katrorë tokë në Lezhë.

Sipas prokurorëve të ngarkuar me hetimin e dosjes Frroku, ish­ deputeti nuk i justifikon këto pasuri dhe në bazë të ligjit Antimafia ato duhet t?i konfiskohen. Në kërkesën drejtuar Gjykatës, Prokuroria argumenton se Mark Frroku rezulton të ketë qenë i dënuar në fillim te viteve 2000 me tre vite burg në Holande për trafik droge. Gjykata vendosi më parë masë sekuestroje ndaj këtyre pasurive në muajin korrik 2016 duke i lenë afat pronarit të tyre të paraqiste prova të identifikimit të burimit të tyre, arsye ligjore kjo për ti shpallur përfundimisht ato të konfiskuara./ Citynews





Lajmet e fundit nga