web counter
LEXO PA REKLAMA!

SHKARKO APP

App Store
Google Play

E fundit!

x

Protesta e opozitës/Reagon Jozefina Topalli: Vendi në zgrip të humnerës!

24 Prill 2017, 14:36, Aktualitet CNA

Ish-kryeparlamentarja dhe ish-nënkryetarja e Partisë Demokratike, aktualisht deputete e PD në Kuvendin e Shqipërisë, Jozefina Topalli, ka reaguar për protestën e sotme të opozitës, e cila bllokoi rrugët për një orë.

Në një reagim për mediat, deputetja Topalli shprehet se mbështet çdo protestë për punë, për bukë, për zgjedhje të lira, protestë kundër padrejtësive, drogës, krimit, korrupsionit e kalbëzimit të qeverisjes.

Ajo sqaron se do të vazhdojë të bëjë betejën si opozitare, në respekt të bindjeve të saj, parimeve demokratike dhe rregullave të demokracisë. Sipas saj, kjo qeverisje meritonte të përmbysej prej kohësh, duke shtuar se në vendin tonë asgjë nuk është më normale.

Ja reagimi:

Mbeshtes cdo proteste per pune, per buke, per zgjedhje te lira, proteste kundra padrejtesive, kundra droges, krimit, kundra korrupsionit, kundra kalbezimit te qeverisjes. Qendrimet e mia i kam bere te qarta cdo seance parlamentare e do vazhdoj ta bej.
Kam folur kur shumica heshtte: Kam luftuar kur shumica kercenonte e do vazhdoj te bej betejen si opozitare, ne respekt te bindjeve te mia, parimeve demokratike e rregullave te demokracise.
Ky vend eshte ne zgrip te humneres. E qytetaret e tij jane me te varfer se kurre ne keta 25 vite. Ne jemi ne nje pike kritike. Kam te pakten 3 vite qe e perseris dhe kerkoj opozite te forte.
Kjo qeverisje meritonte te permbysej prej kohesh. Ne kushte normale tani duhej te ishim ne fushate. Por ne vendin tone asgje nuk eshte me normale. Dhe kjo situate eshte shume preokupuese./CityNews





Lajmet e fundit nga