web counter
LEXO PA REKLAMA!

SHKARKO APP

App Store
Google Play

Ramush dhe Anita Haradinaj marrin nënshtetësinë shqiptare/Nishani firmos dekretin

24 Prill 2017, 12:53, Aktualitet CNA

Presidenti Bujar Nishani i ka dhënë nënshtetësinë shqiptare ish-kryeministrit të Kosovës dhe liderit të Aleancës për Ardhmërinë e Kosovës, Ramush Haradinaj. Ky i fundit ndodhet në Francë, për shkak të procesit gjyqësor kundër tij, në bazë të një urdhër-arresti lëshuar nga Serbia. Nënshtetësinë shqiptare e ka marrë dhe bashkëshortja e tij, Anita Haradinaj. Dekreti për çiftin Haradinaj është firmosur sot nga Presidenti Bujar Nishani.

?Në mbështetje të nenit 92, pika ?c?, dhe nenit 93 të Kushtetutës, si dhe nenit 9, pika 7, e nenit 20 të ligjit nr. 8389, datë 05.08.1998, ?Për shtetësinë shqiptare?, të ndryshuar, u jepet shtetësia shqiptare me kërkesë të tyre, personave të Ramush Hilmi Haradinaj dhe Anita Mustafë Haradinaj?, thuhet në dekretin e presidentit për shtetësinë e Haradinajt.

Kryetari i Aleancës për Ardhmërinë e Kosovës, Ramush Haradinaj, u arrestua në 4 Janar në Aeroportin ndërkombëtar Basel­Mulhouse, më saktësisht në pjesën franceze të tij, pasi ndaj tij ka urdhërarrest ndërkombëtar.

Haradinaj është arrestuar në bazë të një fletërresti ndërkombëtar, të lëshuar nga Serbia që daton nga viti 2004.

Trupi gjykues në Colmar të Francës ku po gjykohet kërkesa e palës serbe për ekstradimin e Haradinajt në Serbi ka deklaruar se me datën 27 prill do të merret vendimi lidhur me akuzat e bëra nga Serbia në drejtim të liderit të AAK-së./CityNews





Lajmet e fundit nga