web counter
LEXO PA REKLAMA!

SHKARKO APP

App Store
Google Play

Administrimi i laboratorëve/ Ja kush e fitoi tenderin mbi 100 milion dollarë

24 Prill 2017, 16:49, Aktualitet CNA

Mesditën e sotme, Ministria e Shëndetësisë ka shpallur fituesin e tenderit për koncesionin me vlerë mbi 100 milionë dollarë të laboratorëve. Në fund të procedurës së tenderimit, Ministria e Shëndetësisë ka shpallur fitues Konsorciumin ?Labopharma?, që kryesohet nga një kompani shqiptare. Afati i administrimit është dhjetë vjeçar .

Në konsorciumin fitues ?Labopharma? mban 41.7% të aksioneve, francezja ?Exalab?, me 25%  dhe një kompania holandeze ?AB Laboratory Solutions?, ka 33.3% të aksioneve. Kompania ?Labopharma? operon në Shqipëri nga viti 2007 dhe rezulton në pronësi të shtetasit Janis Karathano. Në tender morën pjesë nëntë kompani duke përfshirë edhe konsorciume, por vetëm katër prej tyre paraqitën oferta financiare në tender.

Konsorciumi turk ?Acibadem?, ofroi një çmim 4.8 për qind më të ulët nga kufiri. Konsorciumi ?Intermedica? dhe ?Bioiatriki? me çmim 5.7 për qind më të ulët. Ndrësa Konsorciumi ?Labopharma? i shpallur fitues ka ofruar kosto 10.7 për qind më të ulët nga niveli limit, i cili nuk qe më i ulëti. Një tjetër kompani shqiptare ?Genius sh.p.k.? ofroi çmimin më të favorshëm 15 për qind më të ulët, por ajo është skualifikuar pasi nuk ka pasur dokumentacionin e nevojshëm.

Kontrata e këtij koncesioni, ka për objekt financimin, projektimin, dhe riorganizmin e laboratorëve në spitalet universitare, rajonale dhe ato bashkiakë të Sarandës dhe Lushnjes. Koncesioni u vu nën akuzë nga opozita si aferë korruptive, bashkë me tre koncesionet e tjerë të rëmndësishëm të dhënë në sektorin e shëndetësisë./Citynews





Lajmet e fundit nga