E fundit!

14:34 Aktualitet

Kërcënim për sigurinë kombëtare/ Ikballe Berisha shpallet “non grata” në Shqipëri

Ministri i Brendshëm Besfort Lamallari ka nxjerrë urdhrin ...

PORTRET/ Mc Allister, europarlamentari që mbrin në Tiranë me misionin antikrizë

24 Prill 2017, 17:43, Aktualitet CNA

David Mc Allister është njeriu ?antikrizë? që pritet të mbrrijë sot në mbërmje në Tiranë me misionin e vështirë për të paqtuar palët politike shqiptare të gjendur prej muajsh në konflikt. Misioni i tij nis paraditen e nesërme, kur ai pritet të takojë autoritetet e larta zyrtare dhe politike shqiptare. Mirëpo kush është David Mc Allister, çuditërisht i gjithëpranuar si prej pozitës edhe opozitës?

David është i biri i një kapiteni të ushtrisë britanike dhe i një mësueseje gjermane. Ai është i pari shtetas gjermano-britanik pretendent për detyrën më të lartë publike në Gjermani. I njohur me pseudonimin ?Mac? (mbiemri i tij skocez ende nuk shqiptohet siç duhet nga gjermanët), Mc Allister është sot një nga politikanët e preferuar dhe shihet si pasardhësi i sigurt i Angela Merkelit në Bashkimin Kristian-Demokrat (CDU), ku është anëtarësuar, që kur ishte një djalë i ri.

?Kam pasur një edukim britanik në mes të Berlinit Perëndimor. Kemi pasur autobusë britanikë, vishnim uniformë në shkollë dhe flisnim anglisht në shtëpi. Babai im sillte gazetat angleze në shtëpi dhe dëgjonimin radion e forcave britanike?, ka treguar McAllister për mediat gjermane duke përshkruar ?kthimin në gjerman?, në moshën 8 vjeç, kur prindërit vendosën të qëndronin në Gjermani dhe ai u fut në një shkollë gjermane.

Më vonë kreu shërbimin ushtarak në ushtrinë gjermane, por vijon të mbajë të dyja pasaportat, gjermane dhe britanike. Pranon se britanizmi ka mbetur një pjesë e rëndësishme e identitetit të tij, veçanërisht humori, ?një dozë, e cila do të ishte e mirë për politikën gjermane?.

Ndryshe nga shumë prej kolegëve të tij të CDU-së, ai qëndron në kontakt me konservatorët britanikë, megjithse e di se ?dallimet ideologjike midis partive, më të fuqishmet në Europë, janë të mëdha?.

Me profesion avokat, McAllister ka pasur një karrierë të shkëlqyer në politikën gjermane para se të vendoste të kandidonte për Parlamentin Europian. Në vitin 2016 ai tha se e shikonte të ardhmen e tij në politikën europiane dhe vetëm një vit më pas u emërua kryetar i Komisionit të Politikës së Jashtme të Parlamentit Europian, shkurt 2017.

Mc Allister vazhdon të jetë një zë me rëndësi në CDU ku mban postin e zv/kryetarit dhe gjithashtu është nënkryetar i Partive Popullore Europiane ku bën pjesë edhe Partia Demokratike e Shqipërisë.

Para se të niste udhëtimin në PE ai ka qenë Kryeministër i shtetit të Saksonisë së Ulët, 2010-2013, ku pasoi Christian Wulff, i cili u zgjodh president i Gjermanisë.

Negociatori i caktuar nga PPE për të zgjidhur ngërçin shqiptar nuk është një europarlamentar i thjeshtë që vjen në Tiranë për të dështuar. McAllister është një nga zërat më të fortë në institucionet e BE-së dhe emri i tij shihet si presidenti i ardhshëm i Komisionit Europian, ndaj duhet shpresuar që në misionin e tij të vështirë të paqtimittë politikës grindavece shqiptare diçka do të lëviz pozitivisht./Citynews