web counter
LEXO PA REKLAMA!

SHKARKO APP

App Store
Google Play

Ligji për privatësinë/ “Çelësi i dytë” për të hapur dosjet e ish-Sigurimit të Shtetit

24 Prill 2017, 18:42, Aktualitet CNA

Nuk mjafton vetëm ligji për informimin e publikut për të shuar dëshirën e hapjes së dosjeve të ish-shërbimit sekret komunist të Sigurimit të Shtetit. Një tjetër ?çelës? që e bën të pamundur informimin është edhe ligji për mbrojtjen e privatësisë së individit, ndaj për ta realizuar shuarjen ekuriozitetit duhen kapërcyer të dy këto ligje. Të informohesh por pa ditur emrat e bashkëpunëtorëve?! Një rebus që duhet zgjidhur, sigurisht.
Për këtë qëllim, drejtuesit e Autoritetit për Informimin me Dosjet e ish-Sigurimit të Shtetit dhe komisioneri për të Drejtën e informimit dhe mbrojtjen e të dhënave personale nënshkruan një marrëveshje bashkëpunimi për procesin e hedhjes dritë mbi faktet e errëta të kohës së diktaturës.

Kjo marrëveshje, sipas drejtoreshës së Autoritetit të Dosjeve, Gentiana Sula, bëhet pasi është konstatuar se deri më tani ka patur abuzime dhe shkelje të ligjit të privatësisë.

?Dokumentat kanë qenë të përdorura pa kujdes, ka patur shkelje të ligjeve të privatësisë, janë nëpërkëmbur segmente të caktuara të jetës së njerëzve dhe kjo nuk i ka shërbyer as paqtimit të individëve, as pajtimit kombëtar e as rishkrimit të historisë?, ka komentuar Sula.

Por sa mund t?i shërbejë hedhjes dritë mbi dosjet e Sigurimit të Shtetit, apo ngjarjeve të inspiruara dhe organizuara prej tij, duke mos u publikuar emrat e personave që kanë ideuar dhe zbatuar ato skenare? Pyetjes i përgjigjet, Besnik Dervishi, komisioneri për të Drejtën e informimit.

?Ne kemi detyrimin që të zbatojmë ligjin në çdo nen e në çdo gërmë. Një ligj jo gjithmonë mund të ketë të drejtë në periudha të caktuara kohore, por ne jemi të detyruar ta zbatojmë. Nëse kërkoni opinionin tim personal, atëherë do të prisni derisa mua të më mbarojë mandati?, tha Dervishi. / Citynews





Lajmet e fundit nga