E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Çfarë tregoi protesta paqësore e PD/Pse heshti Ramën e Metën

24 Prill 2017, 21:22, Aktualitet CNA

Partia Demokratike u hodh sërish në sulm, i dyti që nga 18 shkurti, kur do të niste kjo betejë, e cila duket pa kthim. Sot kryetari i Partisë Demokratike, Lulzim Basha, bëri lëvizjen e dytë të madhe, duke treguar edhe njëherë forcën qytetare dhe opozitare. Ai vendosi të shkëputej nga çadra e ngritur prej më shumë se dy muajsh para Kryeministrisë, për t?u zhvendosur për pak caste në rrugët kryesore të kryeqytetit.

Ishin vetëm 60 minuta që treguan shumë, mbase gjithçka. Një opozitë e fortë, e bashkuar, e mirëorganizuar, e mbi të gjitha paqësore. Një protestë që nuk ishte parë të ndodhte në vendin tonë. Gjithmonë jemi mësuar të shohim protesta të dhunshme, të përgjakshme, që të krijojnë idenë e një gjendjeje lufte. Por sot ndodhi e kundërta, ndonëse ishte paralajmëruar të kishte trazira, asgjë nuk ndodhi në rrugët e Tiranës, përveçse një protestë demokratike.

Kjo ishte arsyeja kryesore që iu ?mbylli gojën? liderëve politikë në vend, atyre që jemi mësuar t?i shohim kudo e në çdo orë në sulm ndaj opozitës. Në fakt, sot asnjëri prej tyre nuk tha asgjë, por pranuan ?humbjen? në heshtje. Lulzim Basha ia doli të organizojë protestën më qytetare, që do mbahet mend gjatë për qetësinë që e karakterizonte. Një protestë madhështore, prestigjioze dhe shumë strikte me oraret e paracaktuara, do të ?fshihte? Edi Ramën dhe Ilir Metën, të cilët nuk u ndjenë aspak.

Rama zhvilloi një sërë takimesh në jug të vendit, tha shumë gjëra, bëri shumë akuza dhe e mbylli fjalën e tij duke përmendur vetëm një fjalë ?bllokimin e rrugëve?. Nga ana tjetër, Ilir Meta nuk e dimë ku ka ?humbur? sot, nuk është parë në asnjë ekran, përveç një deklarate shpërndarë për mediat, ku thuhej se kishte inspektuar një kompani të prodhimit të vezëve. Ende nuk ka asnjë qëndrim nga LSI për këtë protestë paqësore, e cila është paralajmëruar të përshkallëzohet më tej, po aq e qetë sa ishte dhe sot.

Partia Demokratike do hidhet sërish në sulm më 7 maj, datë kur pritet të zhvillohen zgjedhjet në Bashkinë e Kavajës. Në këtë ditë, PD ka paralajmëruar një tjetër protestë edhe më masive se kjo e ditës së sotme, ku sërish vë në fokus qetësinë dhe sigurinë e qytetarëve në tubim./CityNews