web counter
LEXO PA REKLAMA!

SHKARKO APP

App Store
Google Play

Detajet-Dy negociatorët e PE nesër në Tiranë/Politikani i parë që do takojnë

24 Prill 2017, 20:34, Aktualitet CNA

Dy negociatorët e Parlamentit Evropian, David McAllister dhe Knut Fleckenstein, do të mbërrijnë nesër në vendin tonë për krizën politike. Negociatorët do të zhvillojnë takime me krerët e mazhorancës dhe opozitës, ku pritet t?i jepet fund ngërçit politik.

TV Klan raportoi se që prej kërkesës drejtuar Partisë Popullore Europiane nga dy krerët e mazhorancës, zëvendës Presidenti i Partisë Popullore Europiane dhe raportuesi për Shqipërinë në Parlamentin Europian kanë zhvilluar bisedime me palët për të rakorduar pikat që do të diskutojnë në Tiranë.
Mësohet se një draft paraprak i hartuar mbi këto bisedime u është dërguar stafeve të kryeministrit Rama, kryeparlamentarit Meta dhe kryetarit të Partisë Demokratike, Basha.

Takimin e parë dy negociatorët do ta kenë rreth orës 16.00 me kryetarin e Partisë Demokratike, i cili nuk do të zgjasë më shumë se një orë.
Në orën 17.00 është parashikuar takimi me bashkëdrejtuesit e koalicionit qeveritar.
Pika më e nxehtë e negociatave është kërkesa e opozitës për qeveri teknike pa Ramën kryeministër, prej të cilës premtoi edhe në protestën e sotme se nuk do të heqë dorë.

Edhe qeveria, që prej ftesës drejtuar PPE?së për të negociuar, nuk ka patur lëkundje nga qendrimi i saj për të çuar deri në fund mandatin kushtetues, të fituar ligjërisht me votën e popullit, siç është shprehur kryeministri Rama.

Mbërritja e dy negociatorëve shihet me shpresë për të gjetur zgjidhje, por në Tiranë është paralajmëruar edhe dështimi i tyre.

Vetëm nëse do të gjendet dakortësi mes palëve, negociatorët do të mundësojnë një tryezë mes Ramës, Metës e Bashës, për ta zyrtarizuar marrëveshjen.

Në të kundërt, kjo parashikohet të jetë përpjekja e fundit e Brukselit për të ndihmuar politikën shqiptare në zgjidhjen e situatës.





Lajmet e fundit nga