web counter
LEXO PA REKLAMA!

SHKARKO APP

App Store
Google Play

E fundit!

x

Infermierja në Gjirokastër nuk i bën injeksionin/ 63-vjeçari hidhet nga ballkoni dhe vdes

16 Prill 2017, 15:23, Aktualitet CNA

Një ngjarje e rëndë mësohet se ka ndodhur ditën e sotme në Gjirokatër. Një burrë, i cili ishte pacient në spitalin rajonal ?Omer Nishani” është hedhur nga ballkoni dhe ka vdekur.

Ndërkohë dëshmitarët që kanë parë të gjithë skenën e tmerrshme, thonë se i ndjeri 63 vjeç, gjendej prej disa ditësh i shtruar në spital dhe priste të operohej nga hernia, por si gjithmonë i shtyhej operimi, për shkak të mungesës së stafit.

Familjarët e të ndjerit, mësohet se direkt pas ngjarjes, kanë tërhequr dosjen mjekësore të Malkajt me pretendimin se do ta bënin problem shkakun që solli vdekjen e njeriut të tyre.

Malkajt i është komunikuar dje se do të hynte në sallën e operacionit mëngjesin e të martës pasi e hëna si pushim nuk do të kryheshin operacione të planifikuara. Vetë viktima ankohej për dhimbje të mëdha në zonën e poshtme në rrëzë të kofshës dhe kërkonte që të ndërhyhej sa më shpejt.

Momentin që vendosi të kryente vetvrasjen duke u hedhur nga ballkoni i dhomës, ishte kur infermierja e turnit, refuzonte t?i kryente injeksionin pa e paguar paraprakisht me 200 lek, shkruan Jugu News.

Sipas dëshmitarëve, Gëzimi ka ngritur zërin disa herë ku ankohej për dhimbje dhe kundër infermieres e cila nuk po i përgjigjej apelit të tij. Pas një situate shumë të rënduar dhe depresioni të madh mendor, Gëzimi, është shprehur ?Unë po shkoj se vetëm kështu do më pushojnë dhimbjet?.

Shokët e dhomës kanë nxituar të ndalojnë aktin e Gëzimit por e kanë pasur të kotë pasi 63 vjecari, ka kapërcyer kangjellat e hekurta të ballkonit të dhomës ku akomodohej dhe u hodh poshtë me kokë.

Pas kësaj, Policia e Gjirokastrës ka ardhur në vendngjarje, ku ka marrë në pyetje pacientët e dhomës ku akomodohej viktima, si dhe ka marrë në pyetje kirugët e spitalit.

Sipas grupit hetimor, vdekja ka ardhur si pasojë e hedhjes nga ballkoni me lartësi 13 metra në kushtet e depresionit mendor./CityNews





Lajmet e fundit nga