web counter
LEXO PA REKLAMA!

SHKARKO APP

App Store
Google Play

Mesazhi qiellor i Bashës/ Paqja po zbret nga qielli, Rama i fryn tam-tameve të luftës

16 Prill 2017, 12:16, Aktualitet CNA

Edhe paraditen e sotme kryetari i Partisë Demokratike, Lulzim Basha, ka vijuar ti dërgojë mesazhe,  nga çadra e protestës, kryeministrit Edi Rama. Ndryshe nga ditët e tjera, fjala e tij ka patur konotacion qiellor, ngjyrim ky i justifikueshëm për faktin se adresimi i mesazhit vjen në atmosferën e festimit të Pashkëve të krishtera.

Basha ka artikuluar se paqja po zbret në zemrën e çdo shqiptari, pavarësisht se Rama po i fryn tam- tameve të luftës, siç u shpreh Basha.

?Këtu në këtë çadër, në këtë shesh të lirisë, gjashtëdhjetë ditëshi është ditë Pashkësh dhe do të vazhdojë të jetë ditë pashkësh, sepse këtu ditë për ditë e natë për natë, ngjallet e rilind shpresa për një Shqipëri më të mirë. Për një Shqipëri të qytetarëve shqiptare, për një Shqipëri resurset e të cilës janë në dispozicion të shqiptarëve. Kjo është një shpresë e madhe, ideal i madh dhe kauzë e madhe për të cilën ne jemi vendosur të qëndrojmë deri në fitoren totale të qytetarëve shqiptare.

Atij që dhe ditën e Pashkës i fryn tam-tamet e luftës i them se paqja do zbrësë dhe po zbret në zemrën e çdo shqiptari, se përmes paqes, bashkimit dhe vendosmërisë e mira do të pushtojë zemrat, familjet, sheshet e qyteteve dhe fshatrave dhe gjithë vendin tonë. Se avancimi i të mirës që ka nisur si vullnet i kaq qytetarëve është i pandalshëm. Pa dashur të flas për anën e errët, më lejoni ta përfundoj këtë urim për të gjithë ju misionarët e shpresës për të çdo shqiptar të ndershëm??./ CityNEWS





Lajmet e fundit nga