web counter
LEXO PA REKLAMA!

SHKARKO APP

App Store
Google Play

E fundit!

x

TRYEZA RAMA-BASHA/ Dy kushtet e eurodeputetit gjerman për të qenë negociator

16 Prill 2017, 12:39, Aktualitet CNA

Përpara se të pranoj rolin e negocitorit, në tryezën e bisedimeve midis pozitës e opozitës, eurodeputeti gjerman David McAllister, njëherësh dhe kryetar i Komitetit të Punëve të Jashtëme të Parlamentit Europian, ka venë dy kushte, që sipas tij janë të domosdoshme për të arritur suksesin.

Më së pari, ai i ka kërkuar palëve në konflikt pa zgjidhje,Rama-Basha, që të vendosin modalitetet e tryezës ku do të dialogohet ngërçi.

Së dyti, palët duhet të shprehen të dakortësuar, paraprakisht, për gjithsa do të shqyrtohet në tryezë, gjë që nëse nuk ndodh, do ta detyrojë z. Allister të prapësoj gatishmërinë që ka shprehur për të qene në rolin e negociatorit.

Dakortësi të cilën e ka përmendur edhe deputetja e PD-së Majlinda Bregu, pas kthimit nga një vizitë pune në Bruksel dhe takimit që ka patur atje me Z.Allister.

Ndërkohë, duke qenë se ka qenë Ilir Meta, njeriu që lakohet se propozoi ndërmjetësimin e ngërçit politik, duke futur në vallë partitë popullore europiane, burime të LSI saktësuan se, në fakt, kontakti i PD, PS dhe LSI me Z. Mc Allister ka nisur dhe shumë shpejt pritet rezultat pozitiv. ?Ilir Meta ja propozoi Edi Ramës skemën e tryezës me negoziator përfaqësues të PPE. Në takimin e fundit ai i komunikoi edhe emrin e personit, atë të gjermanit David McAllister, për të qenë negociues?, i shpjeguan Citynews burime konfidenciale të LSI, ndërkohë që thanë se pranimin e tij, për të qenë i gatëshëm ta luaj negociatorin, z. McAllister i?a ka konfirmuar deputetes së opozitës Majlinda Bregu dhe jo Ilir Metës. Kurse dy kushtet e cituara më sipër i?a ka adresuar përfaqësuesve të partive në tryezë,gjatë komunikimit të drejtëpërdrejtë./ CityNEWS





Lajmet e fundit nga