E fundit!

09:42 Aktualitet

“Jam i kërcënuar me jetë, si unë dhe familja ime”/ Flet ish i dënuari, akuza oficerit të policisë gjyqësore

Besmir Gjezari sot ka përfituar lirinë falë projektligjit ...

Rikthehet miqësia shqiptaro kineze/ “Vëllezërit” mbrijnë në Tiranë

16 Prill 2017, 13:02, Aktualitet CNA

Një delegacion i vlerësuar si më i madhi dhe më i rendësishmi që nga viti 1966, i kryesuar nga kryeministri i parë i Këshillit të Shtetit të Republikës Popullore të Kinës, Sh.T.Z. Zhang Gaoli, ka mbërritur sot në Tiranë. Vizita do të zgjasë dy ditë (16-17 prill).

Delegacioni, në përbërje të të cilit ndodhen pesë ministra dhe zvendësministra, do të pritet të hënën në takime zyrtare nga presidenti i Republikës Bujar Nishani dhe Kryeministri Edi Rama.

Vizita ka në fokus nxitjen e mëtejshme të zhvillimit të marrëdhënieve dypalëshe në kuadër të iniciativës ?Brez dhe Rrugë? nëpërmjet ideve dhe mendimeve të reja. Këtë e ka konfirmuar, përmes një interviste për ATSH-në, ambasadorja e Republikës Popullore të Kinës, Jiang Yu.

?Në një idiomë kineze thuhet që ?Bëje planin tënd vjetor në pranverë?, vizita e Zv/Kryeministrit kinez Zhang Gaoli, pa diskutim do të ketë kuptim të rëndësishëm historik e realist mbi thellimin e miqësisë tradicionale kino-shqiptare dhe të besimit reciprok mes dy palëve. Vizita do të shërbejë gjithashtu për të nxitur të dy vendet të arrijnë konsensuse të reja rreth bashkëpunimeve konkrete në fusha të ndryshme në kohën e re, gjë që do t?u sjellë vitalitet të ri të dy vendeve?, vlerësoi ambasadorja Yu. Duke vlerësuar gjithashtu se: ?Me përpjekjet e përbashkëta kino-shqiptare, marrëdhëniet dypalëshe kanë hyrë në pistën e zhvillimit të shpejtë?.

Sipas Ambasadores, në vitin 2016 janë nënshkruar tetë marrëveshje dypalëshe, që mbulojnë fushën e diplomacisë, kulturës, të burimeve ujore, të burimeve njerëzore dhe ekonomiko-teknike. Vëllimi i përgjithshëm i tregtisë dypalëshe arriti në 334 milionë dollarë, duke shënuar një rritje prej 9.8% në krahasim me vitin 2015. Blerjes së aeroportit ndërkombëtar të Tiranës dhe kompanisë së naftës Bankers Petroleum nga kompanitë kineze, e shndërron Kinën në një prej partnerëve më të rëndësishme tregtarë dhe një prej investitorëve kryesorë për Shqipërinë, ndërsa bashkëpunimet e dy vendeve në aspektin arsimor, kulturor, rinor, të botimit, mediatik, si dhe këmbimet e bashkëpunimet e pushtetit vendor janë në rritje të vazhdueshme, ka pohuar ambasadorja Jiang Yu./ CityNEWS