web counter
LEXO PA REKLAMA!

SHKARKO APP

App Store
Google Play

E fundit!

x

PASKUINTAVE/ Edhe Shpëtim Idrizi si Ilir Meta, s’pranon propozimin e Ramës

6 Prill 2017, 06:00, Aktualitet CNA

Në vijim të aksionit politik për të mos lejuar dështimin e zgjedhjeve të 18 qershorit, pas ultimatumit të Partisë Demokratike për të mos marrë pjesë në to, për sa kohë të mos përmbushet kërkesa e saj për monitorim të tyre nga një Qeveri Teknike, kryeministri Edi Rama, njëherësh dhe kryetar i Partisë Socialiste, ka takuar drejtuesin e PDIU-së, Shpëtim Idrizin. Takimi mes tyre ka ardhur pas atij të Ramës me Metën dhe pas drekës së këtij të fundit me Shpëtim Idrizin. Duke qenë se Ilir Meta nuk ka dhenë garanci për pjesëmarrje në zgjedhjet e Përgjithëshme parlamentare të 18 qershorit, nëse opozita i bojkoton ato, Rama ka testuar Idrizin dhe PDIU-në për të qenë pjesë e koalicionit me PS-në.

Sikurse kanë pohuar burime të afërta të PDIU-së, takimi një orësh Rama-Idrizi ka patur në fokus procesin zgjedhor. Më konkretisht  skemën  që duhet ndjekur për të mos lejuar dështimin e votimeve nëse PD dhe LSI nuk do të pjesëmarren në këtë proces.

PS nuk imponon pjesëmarrjen e asnjë subjekti politik, pasi gjithkush ka të drejtë të zgjedhë nëse do të hyjë apo do ti bojkotojë zgjedhjet, ka ripërsëitur Rama formulën tashmë të njohur prej të gjithëve.

Ndëkohë ai e ka ftuar Idrizin të jetë pjesë e maxhorancës në zgjedhje, duke i shpjeguar se boshllëkun që do të lerë mospjesëmarrja e opozitës dhe e LSI-së në votime do ta mbush partia LIBRA e Ben Blushit.

Koalicioni parazgjedhor midis PS dhe PDIU do të ketë vijimësi edhe pas fitores së zgjedhjeve, ka artikuluar Rama, duke mos e ndarë pazarin e përqindjeve të pushtetit që do të administrojë njera dhe tjetra parti. Dhe kur Rama ka shpresuar në një pranim të ofertës, ka ndodhur e kundërta, që Shpëtim Idrizi e ka hedhur poshtë atë pasi ka kthyer të njejtën përgjigje si edhe LSI e Ilir Meta. Pra se: nuk mund të ketë zgjedhje pa pjesëmarrjen e opozitës reale,sepse opozita nuk mund të emërohet./ City NEWS





Lajmet e fundit nga