web counter
LEXO PA REKLAMA!

SHKARKO APP

App Store
Google Play

E fundit!

x

“Droga” çon në zyrën e Xhafajt zyrtarët e BE-së/Çfarë u diskutua

5 Prill 2017, 20:05, Aktualitet CNA

Ministri i Brendshëm, Fatmir Xhafaj, priti sot një delegacion të BE-së të kryesuar nga Eduart Auer, shef i Divizionit për Ballkanin Perëndimor, i shoqëruar nga zyrtarë të tjerë të lartë të Brukselit si dhe ambasadorja e BE-së në Tiranë, Romana Vlahutin.

Xhafaj bisedoi me përfaqësuesit e BE-së për luftën kundër kultivimit të kanabisit, luftën kundër krimit të organizuar, efiçencën për rritjen e integritetit dhe profesionalizmit të punonjësve të Policisë së Shtetit. Gjithashtu, u vu theksi tek bashkëpunimi me agjencitë e tjera ligjzbatuese në vend, veçanërisht me Prokurorinë.

Ministri i Brendshëm, Fatmir Xhafaj, prezantoi prioritetet e detyrës së tij dhe masat e pritshme në këtë kuadër. Përfaqësuesit e BE-së vlerësuan qartësinë e prioriteteve dhe veçanërisht miratimin e Planit Kombëtar të Veprimit kundër kultivimit dhe trafikimit të kanabisit.

Ata përshëndetën reagimin e ashpër të autoritetit, në rastin e ditëve të fundit në Policinë e Kurbinit, ku u ndëshkuan disa oficerë policie pas zbulimit të një parcele me bimë narkotike. Delegacioni i Bashkimit Europian premtoi përshpejtim të asistencës dhe mbështetje me pajisje të teknologjisë së lartë për Policinë e Shtetit në luftën kundër krimit të organizuar dhe trafiqeve. Në takim u ra dakord gjithashtu për një koordinim të asistencës dhe përfaqësive të tyre në Shqipëri./CityNews





Lajmet e fundit nga