web counter
LEXO PA REKLAMA!

SHKARKO APP

App Store
Google Play

Fatmir Xhafa shpejtoi vizitën e Lulzim Bashës në SHBA

28 Mars 2017, 12:07, Aktualitet CNA

Megjithse ekzistenca e shumë problemeve të mbetura ende pa zgjidhje, brenda partisë që drejton, nuk diktonte prioritet që kryetari i PD, Lulzim Basha, të shpejtonte vizitën në SHBA, ky i fundit e ndërmerri një hap të tillë. Duke lenë pas një turmë njerëzish protestues brenda një çadre që, sikurse u shpreh: ata din ta menaxhojnë, por edhe një grup deputetësh që nga prekja e atributeve, vijojnë të jenë të hapërdarë.

Në përligjie të këtij nxitimi Basha u shpreh se po shkonte në vëndin simbol të demokracisë për të realizuar disa takime shumë të rendësishme, me zyrtarë të lartë të administratës Trump, që ai i vlerëson si aleat natyral të PD-së, nga të cilët do të përcaktonte qendrimin e mëtejshëm politik të partisë që drejton.

Kur u kthye sërish pranë çadrës në Tiranë, Basha shpalli si të ardhme po të njejtën vijë politike të PD, pra bojkotin e zgjedhjeve dhe të Parlamentit, duke ngritur kështu dyshime të thella rreth  të vërtetës së shpejtimit të vizitës së tij në SHBA. Të vizitës që, në fakt, deri më tani, nuk shihet të ketë prodhuar ndonjë qëndrim politik të tipit amerikan, por vijimësi të aksioneve politike tërësisht alla shqiptare, me  rezultante thellimin e krizë që ka përfshirë vendin. Çka e hedh poshtë argumentin e Lulzim Bashës për të vizituar shpejtueshëm lidershipin e ri të qeverisjes amerikane.

Po atëherë, cili ishte qëllimi i vërtetë i ndërmarrjes së këtij hapi? Burime konfidenciale të CityNews, brenda PD-së, e komentojnë këtë vizitë si një dalje të butë të Lulzim Bashës nga situata që pritej të krijohej pas deklarimit të tij publik se: para se të hynte në Ministrinë e Brendëshme, ministri i ri i këtij dikasteri, Fatmir Xhafa, do ti duhej të kalonte mbi trupin e Bashës dhe të demokratëve të tij.

Në kohën që Fatmir Xhafa e bëri një hyrje të tillë si ministër, i betuari Basha ndodhej për vizitë në SHBA, kështu që e ka të justifikuar mosndërmarrjen e një aksioni të tillë flijues para portës hyrëse të Ministrisë së Brendëshme./ CityNews





Lajmet e fundit nga