web counter
LEXO PA REKLAMA!

SHKARKO APP

App Store
Google Play

Kërkohen ekspertë përgjuesish, që të shpëtojnë dedektivin privat Frig

28 Mars 2017, 09:48, Aktualitet CNA

Dedektivin privat me shtetësi izraelite, Yoram Frig ,nuk mund ta shpëtojë nga  izolimi brenda territorit shqiptar as ndonjë avokat dhe as rryshfeti që mund ti ofrohet ndonjë prokurori apo gjyqtari të njohur për të tilla marifete. Kjo pasi çështja e proceduar në ngarkim të tij ka lidhje me gjetjen e një eksperti, që të ekspertojë pajisjen pronë të dediktivit izraelit, sakaq të konfiskuar nga Prokuroria e cila është e përfshirë në hetimin e çështjes Frig.

Sipas burimeve konfidenciale të CityNews, mësohet se veprimi më i fundit i organit të hetimit, lidhur me fatin e pajisjes ?përgjuese apo zbuluese e përgjuesve?, sikurse ajo lakohet se mund të jetë, ka qenë mbajtja peng e saj në ambientet e Prokurorisë dhe mosdërgimi në Policinë Shkencore për ekzaminim. Kjo për shkak se kjo Polici nuk disponon ekspert të fushës.

Madje deklarohet se megjithë përpjekjet që janë bërë, deri më sot, nuk ka qenë e mundur të gjendet një i tillë në territorin e Shqipërisë. Për të ndihmuar në këtë pikë CityNews po risjell në vëmendje se pajisja që iu kap shtetasit izraelit, Yoram Frig, është e markës ?Omni Spectral Correlator?, që sipas të dhenave jo fort ekspertuale shërben për të zbuluar por edhe për tu mbrojtur nga përgjimet audio.

Dedektivi privat izraelit Frig erdhi së bashku me pajisjen në Shqipëri në kuadër të ushtrimit të detyrës së tij, për ti ofruar shërbim deputet-biznesmenit Tom Doshi, ndërkohë që në kthimin për në Izrael u ndalua nga policia e Rinasit.

Pas veprimeve procedurale të Policisë dhe heqjes së pasaportës, deri sa çështja të sqarohet, Prokuroria  vendosi çeljen e hetimit, duke konfiskuar pajisjen e dyshuar. Mosekzistenca e ekspertit ka sjellë jo vetëm moskryerjen e ekspertizës dhe nxjerrjen e një konkluzioni të saktë, por edhe pezullimin e vijimësisë së hetimit. Nga ana tjetër, megjithë deklarimin se: gjithsa ka ndodhur është ligjore, dedektivi privat Frig është i detyruar të qendrojë i izoluar në vendin tonë deri sa të gjendet eksperti./CityNews





Lajmet e fundit nga