web counter
LEXO PA REKLAMA!

SHKARKO APP

App Store
Google Play

Ekskluzive/Ja me kë u takua Lulzim Basha në SHBA

28 Mars 2017, 09:06, Aktualitet CNA

CityNews ngriti një ditë më parë pikëpyetje mbi vizitën e kreut të Partisë Demokratike, Lulzim Basha, në SHBA, kur pyeti se me kë u takua Basha në SHBA. Pyetje e natyrshme për faktin se as në mbledhjen e grupit parlamentar të PD dhe as në çadrën e protestës, ai nuk përmendi asnjë emër.

Në ndjekje të kësaj vizite, CityNews kontaktoi me burime zyrtare të PD, ku mësoi se kryetari Lulzim Basha është takuar me Shefin e kabinetit të presidentit Donald Trump dhe me eksponentë të tjerë të lartë, si Sekretari i Shtetit dhe një zëvendëskryetar. Po të njëjtat burime thanë se takimet e Bashës me zyrtarët e lartë amerikanë kanë qenë jo zyrtarë, por të siguruara nga grupe lobimi, pra private, ndaj dhe nuk janë bërë publikë.

Në fakt, duke mos deklaruar asnjë emër apo institucion konkret, vizita e Lulzim Bashës në SHBA u komentua shumë. Madje disa media hodhën dyshimet se kryetari Basha shkoi deri në anën tjetër të kontinentit për të ngrenë ca dreka-darka dhe për të dhënë një intervistë për ?Zërin e Amerikës?, gjë që mund ta bënte shumë mirë edhe nga Tirana.

Nga ana tjetër, pati edhe ndonjë media amerikane si ?BreitBard News?, që tha se Basha ishte i pranishëm në darkën e përbashkët vjetore të kongresmenëve dhe senatorëve republikanë, ku Presidenti Trump mbajti fjalën kryesor. Lajm ky që nuk del të ketë qenë prezent në asnjë media tjetër amerikane por edhe pa konfirmuar nga PD, e cila e kontaktuar nga CityNews, lidhur me vizitën e kryetarit Lulzim Basha në SHBA, konfirmoi veçse takimet që u përmendën më sipër, nga të cilët asnjëri prej tyre nuk ishte zyrtar./CityNews





Lajmet e fundit nga