web counter
LEXO PA REKLAMA!

SHKARKO APP

App Store
Google Play

E fundit!

x

Nga Dritan Hila/Mësimi që nuk e mori dot Edi Rama!

23 Mars 2017, 18:09, Aktualitet CNA

Përplasja në një sallë, ku nuk ishte opozita por vetëm njerëz që 15 vjet më parë i përkisnin të gjithë Partisë Socialiste, me siguri ka qënë shtysa që ka vepruar në nëndërgjegjen e Edi Ramës i cili e ka cilësuar Ben Blushin si KëPëDist.

Ishte një reminishencë për mbledhjen e famshme të Këshillit të Përgjithshëm Drejtues të PS, ku Fatos Nano ishte vënë në kënd të ringut nga një Ilir Meta i cili kishte postin e kryeministrit dhe mbështetjen e gjerë të drejtuesve të partisë, dhe u përpoq të hidhte nokaut liderin historik të së majtës. Fatos Nanos e vetmja armë që i kishte mbetur ishte sulmi frontal, me shpresë se kundërshtarët do t?i linin nervat dhe presioni publik do t?i bënte të tërhiqeshin. Pati të drejtë. Kundërshtarët e tij nuk janë këta të sotmit dhe bënë dy gabime fatale: pranuan kamerat televizive dhe nuk kishin llogaritur aftësinë e Nanos dhe fuqinë hipnotizuese të tij. Nëse do të kishte ndodhur sot, me siguri Ilir Meta do të kishte mbajtur mbledhjen me dyer të mbyllura dhe do të kishte spastruar partinë brenda natës.

Ajo mbledhje ka qenë një mësim dhe bekim i madh për Edi Ramën. Bekim, sepse dobësoi gjithë kastën drejtuese të PS, apo pasardhës të mundshëm të Nanos në sytë e publikut, duke ia bërë më të lehtë sabotimin e besueshmërisë së qeverisjes së majtë. Ishte mësim, sepse ka menduar që hapja në publik e halleve të brendshme, mbytja e komunikimit të kundërshtarëve me publikun, ishte rruga më e mirë për mbulimin e kalbësive.

Por nuk mësoi nga një gabim tjetër që kishte bërë Ilir Meta: të shpërndante pushtetet dhe benefitet e pushtetit. Sot Meta e ka mësuar leksionin.
Edi Rama kujtonte se do të vlenin të njëjtat parametra të bashkisë , por harroi se qeveria është tjetër lojë, kundërshtarët më të egër, intrigat më të sofistikuara dhe për më tepër sado të përpiqesh, ka gjithmonë rrjedhje informacioni.

Edi Rama kujtoi se po të vendoste në poste ministrore të bindurit e tij do të taposte problemet. Mendoi se përqëndrimi i pamjaftueshëm i pushtetit dhe jo mungesa e ndarjes, ishin gabimi i dikurshëm i Ilir Metës. U gabua dhe tashmë nuk e riparon dot më.
Mjaftoi një opozitë anemike dhe dy deputetë të PS si Blushi dhe Hafizi, që Edi Rama të vinte me një bilanc të rënduar qeverisës dhe të barazojë imazhin e tij me atë të Fatos Nanos në 2005-ën apo Berishës në 2013-ën.

Ndoshta tani ai është penduar që nuk i dha Blushit atë që kërkonte. Ose ka më shumë mundësi që beson se shtrëngimi dhe kontrolli që duhet të ushtrojë mbi listën e ministrave dhe deputetëve të ardhshëm të jetë më rigoroz. Por harron të bëjë një llogari se sistem të cilin kërkon të aplikojë nuk vlen për shoqëri të hapura, qoftë edhe primitive si kjo jona.
Gjithsesi, 25 vite pluralizëm dhe 4 vjet qeverisje të Edi Ramës, na mësuan se në ato vite të largëta, kur Berisha përzuri nga PD-ja Ramën, nuk largoi ndonjë Havel shqiptar, por thjesht një djalosh ambicioz dhe arrogant, aspirant për kreun e vendit dhe jo për lider të një shoqërie moderne, të hapur, konkuruese dhe për të gjithë./dritare.net





Lajmet e fundit nga