web counter
LEXO PA REKLAMA!

SHKARKO APP

E fundit!

x

Basha: Shteti ka rënë, marrëdhëniet e koalicionit i kontrollon krimi

23 Mars 2017, 14:16, Aktualitet CNA

Kreu i PD, Lulzim Basha, ka reaguar përmes rrjeteve sociale për seancën e sotme, të cilën e ka cilësuar si të dështuar. Kjo sipas tij, dëshmoi kontrollin që ka krimi mbi parlamentin dhe qeverisjen. Më tej ai nënvizon se edhe marrëdhëniet e koalicionit qeverisës i kontrollon dhe i vendos krimi i organizuar.

“Seanca e sotme dëshmoi kontrollin që ka krimi mbi parlamentin dhe qeverisjen. Edhe kur, për pazare parash e pushteti, drejtuesit e koalicionit të Edi Ramës filluan të zihen e të shantazhojnë njëri-tjetrin, krimi i bëri bashkë dhe i vuri në rrjesht për të votuar pa naze përfaqësuesin e krimit në krye të Ministrisë së Brendshme.

Tani edhe marrëdhëniet e koalicionit qeverisës i kontrollon dhe i vendos krimi i organizuar. Shteti ka rënë. Radhën tani e kanë zgjedhjet, procesi i fundit politik që synon të kontrollojë krimi i organizuar. Por kjo nuk do të ndodhë: populli i bashkuar është më i fortë se krimi dhe veglat e tij në politikë.

#NgrihemiBashke #ZgjedhjeTeLira #RepublikaeRe“, perfundon ai. /CityNews

 





Lajmet e fundit nga