web counter
LEXO PA REKLAMA!

SHKARKO APP

App Store
Google Play

E fundit!

x

Deputeti socialist/LSI flet sikur të jetë në çadër, e jo në qeveri

23 Mars 2017, 16:03, Aktualitet CNA

Me tone të shpra dhe duke qënë i drejtëpërdrejtë, deputeti socialist Vladimir Kosta ka mbajtur një qëndrim të prerë ndaj deklaratës së Luan Ramës, i cili po mundohet të gjejë fajtorin mbi drogën në vend. Ai parashtron pyetjen se ku ishin gjatë këtyre katër viteve, ndërsa vë në dukje se kanë nisur tentativat për të gjetur fajtorët. Për pak çaste ai vihet në vendin e Ramës, duke theksuar se nuk do e lejonte këtë shfaqje. Kosta e mbyll shkrimin me mesazhin se LSI flet dhe sillet sikur është në çadër dhe jo në qeveri.

?Aleatët tanë sillen sikur vetëm muajin e fundit janë bërë pjesë e qeverisë. Vetëm keto javë po zbulojnë se reformat nuk janë bërë siç duhet dhe se kanabisi është problem.

Ku ishin gjatë katër viteve? Luan Rama foli në Kuvend sikur ka mbërritur dje nga hëna. Foli sikur nuk e njeh punën e Ministrisë se Brendshme kundër drogës.

A nuk ka një zv/ministër në këtë institucion LSI? LSI nuk duhet ti shmanget përgjegjësisë në raport me drogat në Shqipëri.

Kanë nisur ?gjahun? për të gjetur fajtor kur edhe vetë ata janë nxitësit e këtij problemi duke mos denoncuar asnjë rast të vetëm në kohën e zhvillimit të këtij fenomeni.

Nëse do isha në vendin e Edi Ramës, nuk do e lejoja më ketë shfaqje dhe sjellje të dëmshme për qeverinë dhe PS nga aleati ynë.

Sepse LSI flet dhe sillet sikur është në çadër dhe jo në qeveri. Më mirë të marrë fund që tani koalicioni dhe të shkojmë në zgjedhje që tani, por pa këtë aleat dashakeq?, përfundon ai. /CityNews

 

 





Lajmet e fundit nga