web counter
LEXO PA REKLAMA!

SHKARKO APP

App Store
Google Play

Kaosi që pritet të ndodhë/Duhet urgjentisht pakt politik, ndryshe ...!

9 Mars 2017, 15:30, Aktualitet CNA

Analisti Fatos Lubonja ka vënë alarmin, teksa është ndalur te situata politike e krijuar në vend.

Në një shkrim për ?panorama?, Lubonja shkruan se gjendja është shumë e rëndë dhe se rrezikojmë të na bjerë thuajse krejt fasada.

Sipas tij, rrezikojmë të mbetemi pa institucionet e drejtësisë, pa president, pa parlament dhe pa qeveri. Për të dalë nga kjo gjendje, analisti thekson se kërkohet urgjentisht një pak politik sa më i gjerë.

?Megjithatë, situata nuk është një përsëritje e skenarit të vitit 2010, kur ndërhynë ndërkombëtarët për të ruajtur fasadën. Gjendja është shumë më e rëndë, sepse brenda tre muajsh ne rrezikojmë të na bjerë thuajse krejt fasada. Sipas ndryshimeve kushtetuese rrezikojmë të mbetemi pa institucionet e drejtësisë, sepse, ndërsa e vjetra po vdes, e reja ka lindur e vdekur, sikurse po duket qartë me zhvillimet e fundit. Ne rrezikojmë të mbetemi edhe pa President, që është edhe ai pjesë e fasadës, edhe pa zgjedhje që janë edhe ato pjesë e fasadës, ashtu sikurse edhe pa Parlament dhe pa qeveri. Këtë rënie të fasadës e ndihmon shumë edhe fakti se ndërkombëtarët nuk kanë më autoritetin që kanë pasur për ta rivendosur atë, sepse kanë neglizhuar në mënyrë dramatike të shohin e luftojnë punën e mbrapshtë që bëhet pas saj nga qeveritë me të cilat janë bërë gjithmonë aleate. Dhe rënie e fasadës do të thotë dalje lakuriq ose nën pushtetin e krimit, ose në kaos. Situata kërkon urgjentisht një pakt politik sa më të gjerë për të dalë nga ky rrezik, por, njëherësh, një pakt që të mos jetë përsëritje e atyre që na kanë sjellë në këtë gjendje?, shkruan Lubonja./CityNews

 





Lajmet e fundit nga