web counter
LEXO PA REKLAMA!

SHKARKO APP

App Store
Google Play

E fundit!

x

Kushtetuesja merr vendimin/Çfarë do ndodhë me gjuetinë 5 vitet e ardhshme

9 Mars 2017, 14:44, Aktualitet CNA

Gjykata Kushtetuese rrëzoi kërkesën e Federatës së Gjuetarëve për të shpallur të pavlefshëm moratoriumin e gjuetisë.

Gjykata Kushtetuese hodhi poshtë kërkesën e Federatës, ndërsa moratoriumi mbetet në fuqi për 5 vitet e ardhshme.

Në argumentin e saj, Federata e Gjuetarëve thekson se me këtë moratorium i shkelen të drejtat për të ushtruar gjuetinë. Nga ana tjetër gjuetarët nuk ndalen, ndërsa paralajmërojnë se këtë çështje do ta çojnë deri në gjykatën e Strasburgut. ?Moratoriumi zhbën organizimin tonë. Ai mohohet e drejta për të ushtruar sportin. Është dënim kolektiv, shteti nuk zbaton dot ligjet e veta?, pohojnë gjuetarët. Për këtë kërkesë Kushtetuesja zhvilloi 2 seanca.

Qëllimi i këtij ligji është ndalimi i ushtrimit të aktivitetit të gjuetisë, me qëllim përmirësimin e gjendjes së llojeve të faunës së egër, objekt gjuetie dhe jo vetëm.

Gjuetia në vendin tonë do vijojë të jetë e ndaluar deri në 2021-shin. Sipas ekspertëve, dy vite moratorium të gjuetisë nuk ishin të mjaftueshëm që llojet të faunës së egër, objekt gjuetie dhe jo vetëm të arrinin shtimin optimal, ndaj u kërkua shtyrja e afateve të këtij ligji me 5 vite të tjera./CityNews





Lajmet e fundit nga