web counter
LEXO PA REKLAMA!

SHKARKO APP

App Store
Google Play

Mediu pret misionin e OSBE/Pa qeveri teknike s'ka zgjedhje të lira

9 Mars 2017, 15:20, Aktualitet CNA

Kryetari i Partisë Republikane, Fatmir Mediu, priti në një takim delegacionin e misionit të OSBE-ODIHR, ardhur në Tiranë për të raportuar për zgjedhjet e qershorit 2017.

Gjatë këtij takimi që kryesohej nga Richard Lappin, zëvendëskryetar i Departamentit të Zgjedhjeve, Mediu bëri një panoramë të zgjeruar të situatës parazgjedhure, duke e cilësuar atë si mjaft të rëndë. Sipas tij, në disa raste KQZ, nëpërmjet veprimtarisë së saj, ka ndërmarrë veprime në kundërshti me Kodin zgjedhor. Në këto kushte, KQZ, tha ai, specifikisht shumica e anëtarëve të saj, që përfaqësojnë mazhorancën, është pozicionuar qartësisht në përputhje me interesat politike të mazhorancës.

?Këto rrethana kanë dëmtuar rëndë besimin në këtë institucion, si një institucion që nuk mund të garantojë zgjedhje të lira dhe të ndershme. KQZ shpeshherë ka marrë vendime vetëm me 4 vota të këtyre anëtarëve, ndërkohë që Kodi Zgjedhor, e përcakton qartazi që për këto vendime duhet dakortësi me 5 vota?, tha kreu i PR.

Duke iu përgjigjur interesimit të delegacionit të OSBE-ODIHR, në lidhje me vazhdimësinë e protestës së opozitës, Mediu tha se opozita e bashkuar, ka vetëm një kërkesë të qartë: Zgjedhje të lira dhe të ndershme, me anë të një Reforme Zgjedhore të dakordësuar nga të gjitha palët, si dhe nën kujdesin e një qeveria teknike, që të ketë besimin e të gjithëve dhe të garantojë një proces të saktë për votën e lirë të qytetarëve shqiptarë.

Pikërisht për këto arsye, u shpreh Mediu kërkohet largimi i Kryeministrit Rama nga Qeveria dhe hapjen rrugë të një qeverie teknike, të pranuar nga të gjithë faktorët./CityNews





Lajmet e fundit nga