web counter
LEXO PA REKLAMA!

SHKARKO APP

App Store
Google Play

E fundit!

x

Pastrimi i parave/ Deklaratë e fortë te "Siguria": Kemi një listë që financojnë terrorizmin

28 Shkurt 2017, 10:51, Aktualitet CNA

I pranishëm në mbledhjen e Komisionit  të Sigurisë, kreu i Drejtorisë  së Pastrimit  të Parave, Agim Ismaili, ka deklaruar se ka pasur  154  procedime penale për pastrim parash. Pra Drejtoria kundër Pastrimit të Parave ka bllokuar gjatë vitit 2016, 28 milionë euro, të ardhura këto nga veprimtari kriminale, kryesisht nga trafiku i drogës.

“Janë bllokuar 28 milionë euro në banka të dyshuara si para të pista. Paratë e dyshimta mësë shumti vijnë nga trafiku i drogës, por dhe evazioni fiskal. Raportimet na vijne nga bankat, noterët, hipotekat. Mbi 300 raste të dyshimta kanë ardhur falë raportimit nga subjektet. Për vitin 2016 ka pasur 1300 raportime për transaksione të dyshimta. Në 2016 u dërguan 184 raste në Prokurori, vetëm 5 kaluan në Gjykatë. Rastet e tjera të paraqitura u mbyllën nga Prokuroria”, u shpreh ai.

I pyetur nga kreu i Komisionit Spartak Braho, në po hetojnë ndonjë bankë për pastrim parash, Ismailaj tha se bankat e nivelit të dytë janë të ekspozuara përballë këtij fenomeni.

“Kam informacione për përfshirjen e një banke të nivelit të dytë në pastrimin e parave. Ju po hetoni ndonjë bankë?”, iu drejtua Braho.

“Bankat janë të ekspozuara ndaj pastrimit të parave. Nuk mund të them nëse ka apo jo hetim ndaj një banke”, tha Ismailaj.

“Ju dhashë një sinjal për bankën e dyshuar, të cilen duhet ta ndiqni”, theksoi Braho.

Numri dy i Drejtorisë kundër Pastrimit të Parave tha gjithashtu se janë listuar edhe persona në Shqipëri si financues të terrorizmit.

Ndërtimi shihet si sektori më i favorshëm për pastrimin e parave të pista, ku Ismailaj theksoi se këto para po injektohen në biznese të reja. /CityNews 

 

 

 





Lajmet e fundit nga