web counter
LEXO PA REKLAMA!

SHKARKO APP

App Store
Google Play

Pensionistët në çadrën e opozitës/Basha: Nuk duan lëmosh, betejë për Shqipërinë e re

28 Shkurt 2017, 10:26, Aktualitet CNA

Në ditën e njëmbëdhjetë të protestës së opozitës kanë mbërritur te çadra para Kryeministrisë një numër i madh pensionistësh.

I pranishëm në çadrën e protestës është edhe kreu i PD, Lulzim Basha.

Ky i fundit ka hedhur akuza të ashpra ndaj kryeministrit Edi Rama, duke thënë se urdhëroi me telefon lirimin e bandave dhe banditëve, që ta ndihmojnë në vjedhjen e votave.

?Rama ka urdhëruar me telefon lirimin e bandave dhe banditëve më të rrezikshëm të vendit. Pse? Që ta ndihmojnë për të vjedhur votat, për të fituar zgjedhjet. Kjo betejë është për Shqipërinë e re që po lind, prandaj ja vlen të luftohet, siç po luftohet ditë për ditë, çdo orë në këtë shesh e në çdo rrugë. Sot fjalën e ka brezi i tretë, ata që me mund e sakrifica kanë rritur rininë shqiptare, që e çuan jetën në një sitëm të padrejtë, gjakatar. Sot gëzojnë respektin tonë për gjithçka kanë bërë. Por, për fat të keq nuk kanë respektin e qeverisë mashtruese. Republika e re që po lind, që do ketë në thelb të vëmendjes qytetarin, nuk do ketë ndryshim nga kjo nëse nuk merr përsipër kujdesin e plotë të brezit të tretë e pensionistëve shqiptarë. Nga ky parlament i vërtetë do dëgjojmë problemet e vërteta të tyre. Pensionistët nuk duan lëmosh, por t?iu njihet kontributi i tyre në këto vite mund?, tha Basha./CityNews





Lajmet e fundit nga