web counter
LEXO PA REKLAMA!

SHKARKO APP

App Store
Google Play

E fundit!

x

Rrëfehet vëllai i Dritëro Agollit/Si e refuzoi Berishën, ndihmoi Zogajn e Markun

28 Shkurt 2017, 10:46, Aktualitet CNA

Vëllai i shkrimtarit të madh, Dritëroi Agolli, ka rrëfyer për ?panorama? disa detaje të jetës së shkrimtarit. Tajar Agolli është ndalur te refuzimi që Dritëroi i bëri Sali Berishës për t?u anëtarësuar në Partinë Demokratike.

Çfarë marrëdhëniesh ka pasur Dritëroi me Sali Berishën, çfarë iu ka treguar?
Kur ka shkuar Enver Hoxha në Tropojë ka shkuar edhe Dritëroi dhe shkuan në shtëpinë e Sali Berishës.

Përse kanë shkuar në atë kohë në shtëpinë e Berishës, ai nuk ishte i njohur në atë kohë?

Siç më ka treguar Dritëroi më vonë, vëllai i Saliut ishte kryetar kooperative, ndërsa vetë Saliu ishte nxënës. Kur e pyeti Dritëroi babanë e Saliut se si shkon jeta dhe punët atje, babai i Saliut i tha Dritëroit që dua që djalin ta çoj në shkollë të lartë se është nxënës shumë i mirë. Dritëroi e mbajti shënim këtë. Por gjatë periudhës që Dritëroi ka qenë në parlament, Saliu nuk e ka sulmuar ashpër. Ajo që më bëri përshtypje ishte mungesa e Sali Berishës në homazhet për Dritëroin, sepse ata kanë pasur një lloj miqësie. Vetë Saliu në 1992, pas fitores së zgjedhjeve të para demokratike, e ftoi Dritëroin që të bëhej pjesë e Partisë Demokratike. Saliu i tha që ti je shembull për demokracinë. Dritëroi u ngrit dhe tha se unë jam mirë aty ku jam, sepse kritikoj edhe majtas edhe djathtas, juve do t?u mbetet hatri dhe do të më kujtoni: Je anëtari i Komitetit Qendror të PPSH-së, ndërsa atje s?ma thonë këtë gjë.

Më tej, vëllai i Agollit ka deklaruar se Dritëroi ka ndihmuar Preç Zogajn për shkollën e lartë, si dhe Mark Markun.

Çfarë qëndrimi kishte Dritëroi për luftën e klasave, është diskutuar ndonjëherë mes jush?

Dritëroi ishte kundër luftës së klasave. Ai e kishte përjetuar vetë me rastin tim, që për të shkuar me studime në Bashkimin Sovjetik më përmendnin kohën kur babai ishte kryeplak i fshatit para Luftës dhe jo atë që kishte qenë kryetar i Këshillit Nacionalçlirimtar dhe dy xhaxhallarët, partizanë. Dritëroi i botoi shkrimet e mbesës së Abaz Kupit në gazetë. Dritëroi ka ndihmuar për në shkollë të lartë edhe Preç Zogajn, i cili deklaroi vetë me qytetari të plotë, por edhe Mark Markun./CityNews





Lajmet e fundit nga