E fundit!

11:48 Aktualitet

Helmimet e studentëve të Akademisë së Sigurisë/ Muçollari: Pasojë e një qeverisjeje që ka humbur prioritetet

Anëtari i Kryesisë së PD-së Grigels Muçollari ka reaguar n...

Nga Kastriot Myftaraj/ Pse Edi Rama nuk e do më heqjen e mandatit të deputetit Flamur Noka, si agjent serb

27 Shkurt 2017, 17:51, Aktualitet CNA

Vitin e kaluar, Partia Socialiste e Shqipërisë, iu drejtua zyrtarisht Prokurorisë së Përgjithshme me një letër ku i kërkonte kërkesë për të hetuar deputetin e PD-së Flamur Noka për vetëdeklarim të rremë, në zbatim të detyrimeve të ligjit të dekriminalizimit, pasi kishte fshehur faktin që kishte qenë i rekrutuar nga shërbimi i fshehtë jugosllav në mars 1991.

Në shtyp u botua edhe një faqe nga proces verbali (transkripti) i marrjes në pyetje të Flamur Nokës në Degën e Punëve të Brendshme të Kukësit në mars 1991, pas deportimit të këtij të fundit nga autoritetet jugosllave në vendkalimin kufitar të Morinit. Sipas përmbajtjes së këtij dokumenti del se Noka ka pohuar para autoriteteve policore shqiptare që ka nënshkruar një marrëveshje sekrete për t? u bërë bashkëpunëtor i shërbimit të fshehtë serb në këmbim të lirimit të tij nga burgu.

Prokuroria e Përgjithshme, pasi mori letrën e PS-së, bëri parodinë e një hetimi në vend të një hetimi serioz. Kështu, Prokuroria e Përgjithshme iu drejtua me një letër Policisë së Kosovës, duke i kërkuar nëse kishte dokumente që tregonin se Flamur Noka kishte qenë agjent i shërbimeve të fshehta jugosllave. A thua se kur në 1999 shërbimet e fshehta jugosllave (në 1999 ishte ende Jugosllavia e mbetur) u larguan nga Kosova, lanë pas arkivat me të dhënat për agjentët e tyre!

Kuptohet se mënyra më e mirë për ta hetuar këtë çështje do të ishte që të thirrej Flamur Noka, t? i vihej përpara dokumenti dhe të pyetej nëse ishte nënshkrimi i tij në të. Nëse Flamur Noka e mohonte, atëherë duhet të bëhej ekspertiza e nënshkrimit, për të parë nëse ishte autentik ose jo. Nëse Flamur Noka pranonte se e kishte nënshkruar ai dokumentin, por këtë gjë e kishte bërë i shtrënguar me tortura, atëherë përse nuk shkoi ai në Tiranë, në zyrat qendrore të PD-së dhe si anëtar i saj të kërkonte që ngjarja të denoncohej në konferencë shtypi, para gazetarëve vendas dhe të huaj, si dhe ai të shkruante në gazetën ?Rilindja Demokratike? për këtë gjë. Gjithashtu, Flamuri mund të kishte bërë edhe një denoncim në Prokurori, atëherë ose pak kohë më vonë, për këtë manipulim të dhunshëm që iu bë atij. Flamuri nuk bëri asnjërën nga këto.

E megjithatë sot Partia Socialiste nuk i kërkon Prokurorisë së Përgjithshme që të hetojë për atë nëse nënshkrimi në dokument është apo jo autentik, pra i Flamur Nokës. Shkurt, PS nuk do që Flamur Nokës t? i hiqet mandati i deputetit. Pse?

Arsyeja është se Edi Rama ka një problem të madh, nëse Flamur Nokës i hiqet mandati i deputetit si agjent serb. Sepse do të mërziten miqtë e mëdhenj të Edi Ramës, Vuçiç dhe Daçiç, kryeministri dhe zëvendëskryeministri i Serbisë. Asnjë shteti në botë nuk i pëlqen kur i zbulohet dhe digjet zyrtarisht, me dokumente, një agjent i shërbimit të fshehtë të tij. Aq më pak Serbisë kur një gjë e tillë i ndodh në Shqipëri. Kur Edi Rama shkoi në Beograd tetorin e kaluar me rastin e botimit në serbisht të librit të tij ?Kurban?, atij me siguri që i thanë atje se ishin shumë të zhgënjyer që PS kërkonte të zbulonte agjentë serbë në vitin 2016. Nëse është arritur deri atje sat ë rekrutohet si agjent edhe student Flamur Noka, atëhereë çka do të kenë bërë në 1941 me komunistët shqiptarë dy të dërguarit serbë, Miladin Popoviç dhe Dushan Mugosha, që krijuan Partinë Komuniste të Shqipërisë, nga e cila e ka prejardhjen PS.
Prandaj Edi Rama nuk dëshiron ta shtyjë më tutje këtë çështjen e Flamur Nokës.