E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Nga Artan Fuga/ Transformimin historik e bëjnë "tradhtarët"

25 Shkurt 2017, 15:53, Aktualitet CNA

Miku im e di ti që Rrobespieri dhe Marati ishin më parë njerëz të Mbretit? E di ti që Gorbaçovi ishte njeriu i Brezhnjevit? E di ti që Ten Hsia Pini ishte njeriu i Maocedunit? E di ti që Luteri ishte më parë njeriu i Kishës Katolike? E di ti që Jezusi ishte më parë çifut, hebre? E di ti që Shën Francesku i të varfërve ishte më parë bir pasaniku? E di ti që Zogu para se të bëhej Mbret ishte President i një Republike? E di ti që Ramizi ishte nxënës i Enverit? E di ti që Les Valesa më parë ishte në një qeveri me njerëzit e gjeneral Jaruzelskit? E di që Huan Karlos në Spanjë si mbret vinte nga ato rrethe katolike konservatore që si shtresa mbështesnin më parë Frankon? Se edhe Amerika vendi i lirisë ka qenë dikur skllavopronare? Se Volteri është edukuar nga arsimi fetar?

Të lutem mjaft me dogmat deterministe se :

dardha bie nën dardhë,
se trëndafili lind nga trëndafili,
se me cilin fle me atë do të ngrihesh,
se dielli duket që në mëngjes,
se Selanik e të përpjetë siç ka qenë dhe do te jetë.

Mjaft o mjaft i bëtë biografitë, autobiografitë, nekrologjitë edhe bebeve pa lindur akoma !

Kujtoju se edhe Lenini, mendimtar spekulant, por strateg konspiracionesh politike, thoshte se transformimi fillon vetëm kur një pjesë e klasës politike ndryshon qendrimin në krahasim me atë që ka bërë e gjithë klasa politike më parë. ndryshim tjetër është i pamundur.

Revolucioni nis brenda klasës sunduese kur njera pjesë ose një individ ngrihet kundër pjesës tjetër dhe gjen forca të tjera që e mbështesin.

Na mbyti marksizmi i antimarksistëve neomarksistë !

Po çfarë e keni këtë fatalizëm për Shqipërinë tonë o njerëz!

E njihni historinë ju apo jo?

Ohuu, harxhoj kohën time kot !