web counter
LEXO PA REKLAMA!

SHKARKO APP

App Store
Google Play

E fundit!

x

Astrit Patozi: Edhe “Rilindja” nuk mendon njësoj për zgjedhjet

24 Shkurt 2017, 17:16, Aktualitet CNA

Deputeti i Partisë Demokratike, Astrit Patozi, ka komentuar rastin e djeshëm ku për një foto të djalit të tij në mbështetje të opozitës, deputeti socialist Pandeli Majko mori përgjegjësinë dhe kërkoi falje.

Në një postim në rrjetet sociale, Patozi shkruan se nëse do kishte ndjekur kriterin e Majkos, deputeti Namik Dokle duhet ta kishte vrarë të bijën, e cila ka kritikuar shpesh Rilindjen dhe Edi Ramën.

Patozi ka ironizuar duke u shprehur se zgjedhjet e lira ndihmojnë për të njohur dhe kuptuar më mirë edhe familjen.

Postimi i Patozit

Po të kishte ndjekur kriterin e Pandit, që i kërkoi “Rilindjes” ndjesë për të birin, Namik Dokle duhet ta kishte vrarë nja 10 herë deri tani vajzën (Anika Dokle), dhe prapë të mos ishte shlyer tamam me partinë e vet. Kjo do të thotë se edhe në PS nuk kanë “rilindur” të gjithë në të njëjtën masë, pavarësisht se sa kohë e ngrejnë të gjithë njësoj kartonin ditën e enjte e ke vështirë t’i ndash. Protesta jonë mund ta ndihmojë edhe Pandeli Majkon ta marrë më me sportivitet, jo vetëm shakanë, por edhe zgjedhjen kundër bindjeve të tij politike të të birit, në rast se kjo do të ndodhte një ditë. Sepse zgjedhjet e lira me sa duket paskan një kuptim edhe më të gjërë, se sa thjesht vota në kutinë e fshehtë një herë në katër vjet. Ato të ndihmokan për të njohur dhe kuptuar më mirë edhe familjen.





16:36 Aktualitet

Ambasadori i drogës

Në një intervistë për mediat, Ambasadori i OSBE në Tiranë, B...

Lajmet e fundit nga