web counter
LEXO PA REKLAMA!

SHKARKO APP

App Store
Google Play

E fundit!

x

Djali i Majkos me dy gishtat lart/Pedagogia: Fotoja ishte e vërtetë, më çuditi reagimi i Pandit

24 Shkurt 2017, 14:05, Aktualitet CNA

Pedagogia Nevila Xhindi ka reaguar pas fotos që publikoi me djalin e deputetit të PS, Pandeli Majko, i cili përshëndeste protestën e opozitës me dy gishtat lart. Pas reagimeve të ashpra, pedagogia ka fshirë foton me studentin e saj, duke sqaruar për ?News 24? se kush e detyroi të ndërmarrë këtë veprim. Sipas saj, komentet dhe reagimet që pasuan pas hedhjes së fotos në rrjetet sociale i tejkaluan përmasat, duke u kthyer në presion partiak që rëndonin mbi studentin Gjergji Majko.

?Është një foto miqësore si rrjedhojë e bisedës me studentët e mi për protestën dhe demokracinë. Ishte finalja e një bisede që ne bëmë. Fotoja ishte krejtësisht miqësore, e bëri Gjergji, nuk ishte për humor. Më vjen mirë që po rritet një brez që mendon më hapur se prindërit e tyre?,tha Xhindi.

Më tej, ajo shtoi se Gjergji ishte në dijeni të plotë për publikimin e fotos, ndërsa e ka çuditur reagimi politik i prindërve të tij. Ajo thotë ndër të tjera se ndonëse u komentua shumë, Gjergji nuk i kërkoi të hiqte foton.

?Ajo që më çuditi ishte reagimi i prindërve të Gjergjit, mendoj se kanë dëmtuar djalin e tyre. Ai është një student i shkëlqyer, i hapur. Unë për kortezi, pas presionit të komenteve jo dashamirës e hoqa. E ndjeva presionin që i bëhej Gjergjit, por nuk ishte një kërkesë e tij?, theksoi ajo.

Kujtojmë se pas publikimit të fotos së djalit të tij, me dy gishtat lart, që përshëndeste protestën e opozitës, deputeti Pandeli Majko ka reaguar ashpër, duke e cilësuar se fotoja ishte bërë për humor dhe se është keqinterpretuar. Ai shkoi deri aty, sa tha se e merrte vetë përgjegjësinë para socialistëve./CityNews





Lajmet e fundit nga