web counter
LEXO PA REKLAMA!

SHKARKO APP

App Store
Google Play

E fundit!

x

Ilir Meta blen qytetarët me shafran?!

24 Shkurt 2017, 14:59, Aktualitet CNA

Ilir Meta po përpiqet me çdo kusht të dalë i fituar në zgjedhjet e 18 qershorit. Ai po mban prej kohësh në tension të majtët me një largim të mundshëm nga koalicioni qeverisës. Kjo në fakt nuk do të ishte zgjidhja më e mirë për Ilir Metën dhe LSI, pasi kjo e fundit humbet shumë numra e vetme. Megjithatë, lideri ?famëmadh? i kësaj force politike duket se i ka menduar mirë të gjitha rrugët që do të ndjekë, për të mos u ?fshirë? nga lista.

Së bashku me bashkëshorten e tij, Monika Kryemadhi, kanë zbuluar një tjetër strategji, me të cilën do të shkojnë drejt zgjedhjeve. Ishte Kryemadhi, e cila zbuloi sot propozimin më të ri të LSI. Duket se çifti ?i famshëm? i politikës ka vendosur të zhdukë kanabisin nga vendi, duke sjellë kultivimin e një kulture tjetër.

Por, ata kanë kaluar nga ?shiu në breshër?, pasi kanë zgjedhur një bimë më të kushtueshme se kanabisi, madje bimën më të shtrenjtë në botë, atë të shafranit.

?Ne jemi duke punuar për një strategji shumë interesante, e cila shumë shpejt do të prezantohet për të bërë të kundërtën e asaj që po ndodh sot në Shqipëri, pra për të bërë të kundërtën e zhvillimit të kanabisit, për të rritur një kulturë tjetër e cila është shumë më e shtrenjtë, shumë më e kultivueshme, e cila është shafrani?, tha deputetja e LSI.

Por, pavarësisht kostos së kësaj bime, për Ilir Metën është e rëndësishme fitorja, ?blerja? e mendjes së qytetarëve, për të krijuar iluzionin se LSI është forca e ?magjishme?, që mendon për ta. Për Metën nuk është aspak e rëndësishme kostoja e një bime të tillë, përpara kostos së fitores në zgjedhje, së një posti të lartë drejtues, prej ku të ketë nën kontroll gjithë piramidën politike e të mbërthejë? vendin me duart e tij të pista./CityNews





Lajmet e fundit nga