web counter
LEXO PA REKLAMA!

SHKARKO APP

App Store
Google Play

Plani i masave të sigurisë/ Arrestohen dy persona, shoqërohen 15 të tjerë

11 Shkurt 2017, 10:37, Aktualitet CNA

Policia e Durrësit në kuadër të zbatimit të planit të masave për rritjen e sigurisë së qytetarëve, mbrëmjen e djeshme ka ngritur pika kontrolli dhe ushtruar kontroll territori, automjeteve dhe personave në kërkim apo për sende të kundraligjshme.

Nga ky plan masash policia ka arrestuar dy persona dhe ka shoqëruar në komisariat për verifikim 15 të tjerë.

Burime nga policia bëjnë me dije se Specialistët e Sektorit të Qarkullimit Rrugor, në vijim të masave të mësipërme, respektimit të rregullave të qarkullimit rrugor, drejtimin e mjetit jo në gjendje të dehur  pa leje drejtimi dhe vendosjen e rripit të sigurimit arrestuan në flagrancë, për drejtim mjeti pa leje drejtimi shtetasin Igli Kola, 26 vjeç, banues në Durrës.
Gjithashtu, Specialistët për Krimet në Komisariatin e Policisë Durrës bënë të mundur kapjen dhe ndalimin e shtetasit në kërkim D.H. 17 vjeç,  banues në Durrës.

Gjykata e Rrethit Gjyqësor Durrës e ka dënuar me 10 muaj burgim për veprën penale”Vjedhja” parashikuar në nenin 134/1 të Kodit Penal.

Kontrolle të tilla do të vazhdojnë edhe në ditët në vijim nga Drejtoria Vendore e Policisë Durrës, ku nuk do të   ketë tolerime për asnjë individ që nuk respekton ligjin.

 





Lajmet e fundit nga