E fundit!

12:43 Aktualitet

Helmimi i kursantëve të Akademisë së Sigurisë/ Reagon Sori-Al: Futen ushqime nga jashtë

Kompania Sori-Al ka reaguar në lidhje me helmimin e 60 kur...

Shkëndijat mes PS-LSI

10 Shkurt 2017, 20:15, Blog CNA

Nga Denisa Mahmutaj

Tashmë kuptohet qartë që marrëdhëniet midis koalicionit të PS dhe LSI kanë marrë krisje dhe siç duket çiftit të famshëm Rama-Meta duket se po iu afron ora e “divorcit nga njëri-tjetri.

Është parë qartë se mes të dyja palëve ka patur tension , debate të ashpra, kundërshtime mës qeverisë dhe partnerit të saj kryesor ,LSI-së.

Ka qënë Petrit Vasili shkëndija e cila ka ndezur zjarrin ku po ziejnë marrëdhëniet dypalëshe qeveri-koalicion, duke iu kundërvenë dhe kritikuar Ramën për mbylljen e lojrave të fatit, duke vazhduar më tej më shpenzimet marramëndëse që Rama shpenzoi për koncertin e Ansamblit Filarmonik Vjenez i cili u mbajt në vendin tonë .

Sipas Vasilit ato para mund të ishin një investim shumë i mirë për artistët tanë të cilët duket se janë fshirë nga lista dhe janë lënë në harresë nga shteti.

Por pas kësaj deklarate të Vasilit i menjëhershëm ka qënë edhe reagimi nga ana e Partisë Socialiste ku i kundërpërgjigjen LSI-së për mënyrën sesi ata po menaxhojnë situatat e krijuara në vend nga kompanitë e mirëmbajtjes së rrugëve e cila është nën drejtimin e LSI..

Por a ka përfitues nga ky ngerç dhe kolaps i krijuar mes dy partnerëve ? Sigurisht që nga keto debate dhe kundërshtime mes palëve ajo që përfiton është Partia Demokratike, duke tentuar të përdorë mocionin e mosbesimit.

Opozita tashmë duket më e vendosur se kurrë dhe me një synim tepër të qartë për të shkuar në zgjedhje me qeveri teknike.

Lëvizjet e opozitës duket se do të jenë edhe një provë force e koalicionit mes PS dhe LSI, pasi keto dy parti kanë në dorë nëse do të ketë qeveri të tillë apo vendi do të shkojë në zgjedhje me kabinetin aktual.

Gjithashtu nga deklaratat e dhëna në media partia demokratike ka hedhur si alternativë idenë e gjetjes së konsensusit mes palëve, por njëkohësisht kanë lajmëruar edhe për mbajtjen e protestave masive.

Plani i PD për mocionin e mosbesimit i përmëndur nga Fatmir Mediu është i ngjashëm me atë të Malit të Zi ku edhe aty opozita përdori një mocion mosbesimi për të rrëzuar qeverinë.

Mocioni i mosbesimit është një armë të cilën opozita mund ta përdori nëse sigurojnë mbështetjen nga LSI. Nëse krisjet mes koalicionit vazhdojnë atëherë PD do të ketë në dorë mundësine që të fusë mocion ne Kuvend, dhe nëse LSI e voton qeveria mund të bjerë.

Por nëse kjo ndodh atëherë me bindje të plotë bashkpunimi mes dy palëve do të shkojë drejt “divorcit”.

Sikurse të mos mjaftonin këto përçarje që kanë mbërthyer PS dhe LSI duhej patjetër edhe ndërhyrja e Ministrit Ylli Manjani, tashmë i shkarkuar nga detyra i cili ka reaguar pas deklaratave të

Kryeministrit duke ironizuar fjalët e tij, ku është shprehur me tone të ashpra se është vetë Kryeministri ai i cili vendos për shkarkimin e tij nga posti i ministrit dhe se mes PS-LSI ka një ngërç të cilit i uron “shërim të shpejtë”.

Veç kësaj Manjani ka hedhur akuza të forta kundër kabinetit Rama duke e kritikuar atë në lidhje me projektin 1 miliard dollarë, duke e cilësuar si një projekt që shërben për të pastruar paratë nga kultivimi dhe tregtimi i hashashit. Meqënëse jemi në prag zgjedhjesh ky projekt do të ishte më i duhuri për tu përdorur për qëllime populiste për të siguruar fitoren e zgjedhjeve kanë qëne këto fjalët e Manjanit duke iu drejtuar edhe FMN të vazhdojë misionin e ndërmarrë në Shqipëri.

Që ka plasur lufta mes PS dhe LSI-së kjo tashmë dihet, por a do ti sigurojë dot Rama 71 vota pa Metën? Çfare do të ndodh me koalicionin?! Të presim…