E fundit!

07:38 Ekonomi

Eurostat: 35% e shqiptarëve nuk përballojnë qiratë, faturat, pushimet, apo blerjen e rrobave të reja

Shqipëria është vendi me nivelin më të lartë të privimit t...

DREJTORI CIA-s, VIJA E SJELLJES DHE "BASH-ÇUNAT" E BALLKANIT

13 Dhjetor 2016, 19:10, Blog CNA

Nga Zef Zefi (Hipotezë)

1-Në mënyrë konçize “Vija e sjelljes,” përpara epokave dixhitale dhe HI-TECH-ut, në gjuhën operative, ka qënë një fjali, gjest, objekt, nocion që ndërkallej në sendet apo në ligjërimin që bashkëpunëtori “ynë” (me një qëllim të kamufluar-legjenduar) duhej ta zhvillonte me “subjektin”-objekt i një veprimtarie të caktuar. Bashkëpunëtori thuajse në të gjitha rastet, dinte në ligjëratë të drejtë mjaft gjera arsye, objektiva, dinte “besimin” e imediatit, po në fakt permbledhtazi dinte “legjendën”, ne të shumtën e rasteve dinte, i lihej të kuptonte ose thjesht intuonte dhe se monitorohej. Gjithçka varej nga situata… Zakonisht mjedisi ku njeriut i flasin përveç gojës, mendjes, memorjes, inkonshios, edhe poret, gjestet e shqisat, është “mejhanja”

Nga çdo këqyrje qoftë dhe historike, po sidomos mbas mbarimit të Luftës së Ftohtë gadishulli Ilirik mund të përfytyrohet si një “mejhane” ku nën erën e alkoolit dhe tymin e qofteve, gëlojnë “punëtorë” nga të gjitha “gjeografitë…, politikat besimet” Arabët e ISIS, Turqelija e vëllajt te udhëheqësve tanë, Ylli i Moskës me “miqtë” e udhehëheqjes sonë, “serpentë”, grekër e dreqër. Disa ndreqin xhamia, disa kisha, disa teçe, disa bëjnë edhe diplomaci, politikë, (ditën), gjejnë edhe të dashur-a dhe të virgjër-a, dylber-pride…etj Në këtë “mejhane” me erë mbytëse, gjithashtu per arsye historike, gjeostrategjike e legjitime sepse ka një substrat popullor maxhoritar, (verdikt-i thonë politikanët)janë të detyruar të jenë edhe “receptorët” 007-at euroatlantikas.

Veç ta shohësh se si “knellet” smogu sipër krenave, prej ernave organike e inorganike. Një sy i stërvitur po i ndodhi të jetë “esëll” mundet me dallu edhe ndonjë nga këto “vijë-zim-sjelljet…” që vizëllon si mirazh. Po rrallë e hiç kapen. Ato përcillen vetëm nëper zyra të specializuara, legata, qendra sherbimi, ku zbardhen, paradigmohen, përimtohen, studjohen.

2- Gjithmonë nën kundrojën paradixhitale “bashçunat”e Ballkanit; Romiedi, Thaçhasha, Cipri, Vuçialex, Filipvuja, Dushkamarkun, Grunikevi,(nja dy sish’ shkruhen tanët) janë frekuentuesit më permanent të “mejhanllëkut”. Të gjithë çunat janë, jo të panjohur qoftë si specie, qoftë si natyrë, qysh kur ishin çiliminj. Me thonë t’drejtën më shejtani prej krejt “bashçunave” asht njoni prej t’anëve. Ngacmon, gjuan tall, perdridhet, bohet tapë jo prej lendëve, po prej pathosit, e sidomos nuk i zë menderja vend, sa “mikro-çipi” ben shpesh një zhurmë të llahtarshme, sa nuk ka ekspert që i’a zbardh vijën…, dmth konversacionin e tij.

3-Gjithonë duke folur per kohët para sodit-dixhital, në momentet e “operacioneve” të kësaj natyre, kishte dhe një “plan b” ndërhyrja në rast “rreziku”. Rrëziqet vetë janë kaq të shumëllojshme sa të panumërueshëm. Por “djegia” (dekonspirim i kanë pas thënë)vinte në lëvizje jo veç “ndërhyrjen” e shpejtë, po dhe shefat. Por…..shefat e shefave, atë të madhin fare, të madhin e inteligjensave…jo jo rrallë ka bërë vaki. Hipotetikisht mendoj se bëhet fjalë jo per djegien e shkallës së fundit, dmth shkrumb, kjo po nga “karkasa” jonë veç hi e tym, ka mbetur. . . .

Dje njëri nga ” bashçunat” e mejhanes, (asnjeri prej tanëve) një nga të “urtit” që thithte një cicë te Europa, tjetrën tek Moska, mu në Bruksel e ngriti zërin shumë. I tha Europës, ik pirdhu…me gjithë cicë, kam atë të Moskës.