E fundit!

14:34 Aktualitet

Kërcënim për sigurinë kombëtare/ Ikballe Berisha shpallet “non grata” në Shqipëri

Ministri i Brendshëm Besfort Lamallari ka nxjerrë urdhrin ...

PA DETYRA...

29 Nëntor 2016, 19:26, Blog CNA

Nga Zef Zefi

E ndoqa fjalën formale në njoftimin informal për shtyp të Kryeministrit tonë. E ndoqa nga postimi i vet, meqe nuk kam tv shqiptar, dhe i vura “like” Ishte thjesht njoftim për shtypin, një lajm i keq; për ne shqiptarët, për shtëpinë tonë te përbashkët që nëkupton se “rilindja socialiste” nuk i ka bërë detyrat e shtëpisë. Ose i ka bërë keq. Kaq kumti. Qysh në krye Bashkëfolësja, bëri me dije se Ky Kryeministri këtu nga 5 kërkesat e shtruara të “problemit”, asnjë prej tyre, nuk e ka zgjidhur. Pastaj me pedagogjinë e saj formale e të mirësjellshme, shtoi se duheshin bërë detyrat. “…detyrat duhen bërë!” E gjithë fillesa e fjalës së Kryeministrit “pa detyra”, politikisht korrekt. Ç’ti bësh?! Mua më kujtoi ish nxenësit e llastuar për biografinë e mirë që nuk ia shkrepnin fare në matematikë, të cilët në vend të “ç.d.v-së, fillonin të tirrnin; “…nën udhëheqjen e partisë e mesimeve dritëdhënëse të sh.Enver…, kam bërë keshtu e ashtu…, dhe mësuesi duhej ta dëgjonte deri në fund sepse edhe pse ne matematikë, nxënësi ishte korrekt politikisht. Në fund vihej 5-a…e sigurtë, po shumica merrnin të pakten deri tek 9-a.

-Dhe çfarë bëri kryeministri ynë? Mbi syprinën e podiumit,nuk e hapi fare fletoren e “korrigjuar” të detyrave të shtëpisë, ndoshta edhe nga turpi. Legjitim edhe turpi. Sepse çfarë tu shohësh “marrinave dhe zhgarravinave”,pas korrigjimit… Në vend të saj, hapi fletoren e detyrave “rajonale e globale”, edhe atë jo në faqet e fundit sepse dukej “bloza” Sidoqë jashtë kontekstit, si nxënësi…i sipërcituar, Kryeministri im/ynë, vazhdoi ligjërimin. Gazetarët aty s’po preknin letër me stilolaps, deri kur në ligjëratë u shfaq togfjalëshi i pazakontë “kancelare e dashur?

Veç këtë togfjalësh s’ua kishin degjuar veshët ndonjëherë as nga votuesit më militantë te partise se saj në Gjermaninë e akullt. Dhe sikur të mos mjaftonte kjo, brenda ligjërates së rrafshët të “arritjeve”, menjëherë u ndërkall hileja dhe pas hiles shantazhi bizantin; “…se kjo situatë e re e krijuar në rajon, lidhet me fuqinë e madhe tërheqëse që ka Europa për ne, gjë që Ju e keni konstatuar dhe e keni nënvizuar vazhdimisht, por po ashtu, duhet të nënvizoj se ne kete situate shumë pozitive për rajonin tonë,as ne as miqte dhe partnerët europianë, nuk duhet ta marrin të mirëqënë, njëherë e pergjithmonë atë që kemi arritur, sepse në hapsirën tonë rajonale, veprojnë dhe aktorë të tretë…” Cilët? R.P. e Kinës, vellaj autokrat Erdogan apo “meka” e vjetër Kremlini? Në fakt, fjalë për fjalë ose na jepni “de-ftesën” kalueshëm, me këto detyra siç dimë e duam ti bejmë ne, sepse ne nuk pyesim më as per etërit themelues të shtetit shqiptar, as interesat e gjeneratat pasardhëse të fëmijëve tanë, sepse ka dhe “faktorë të tretë…”, që na marrin edhe pa detyra fare. Mu duk se edhe ketë e mbajtën shenim gazetarët e akullt.