Menefregizmi i pakuptimtë që do i kushtojë shtrenjtë PS

9 Qershor 2016, 18:52, Blog CNA

Nga Alban Daci

Edi Rama shquhet për menefregizëm, por këtë herë sjellja e tij prej indiferenti do i kushtojë shtrenjtë PS! PS është zyrtarisht e përçarë dhe këtë herë do të ketë efekte të rënda në zgjedhjet e ardhshme. Hafizi dhe Blushi po punojnë tashmë në terren për krijimin e një subjekti të ri politik dhe madje po e bëjnë këtë nën logon e PS. Kjo u pa qartë në një takim që kanë bërë në Tiranë. Shkëputja e Blushit dhe Hafizit e godet rëndë elektoratin e PS duke i marrë kësaj shumë vota.

Po ashtu edhe deputeti Ndocaj tashmë është në terren edhe ai në krijimin e një subjekti të ri politik. Krijimi i këtij subjekti nga Ndocaj e godet rëndë Partinë Socialiste, sidomos në Veri. Deputeti Ndocaj ka një mbështetje të madhe tek socialistët e thjeshtë, po ka mbështetje edhe shqiptarët. Me krijimin e këtyre dy subjekteve të reja politike, PS merr një goditje të rëndë politike, elektorale dhe imazhi. Përçarja e PS do të ketë efekte të rënda dhe të parikuperueshme në zgjedhjet. Kjo përçarja nuk ka ardhur për shkak të ambicieve të Blushit apo Ndocaj, por për shkak të menefregizmit të vazhdueshëm të Ramës.

Sidomos kundrejt z. Ndocaj, Rama është sjellë sikur të ishte një primitiv dhe jo një lider. Ai vendosi të zgjedhë persona që s?kanë mbështetje tek njerëzit dhe jo të mbështes deputetin e tij, z. Ndocaj. Pritet që Ndocaj dhe Blushi të krijojnë një front të përbashkët politik dhe të rikthejnë identitetin e mohuar tek ato mijëra socialistë dhe jo vetëm, që janë përbuzur dhe tradhtuar nga ?Rilindja?. Një problem tjetër dhe një efekt të menjëhershëm përçarja e PS e ka edhe tek votat e maxhorancës në Parlament.

Ndërsa Blushi me Hafizin vazhdojnë të mos jenë as peshk e as mish, duke vazhduar të votojnë propozimet e shumicës edhe pse janë kundër politikës qevërisëse, z. Ndocaj ka vendosur të sillet thuajse tashmë prej opozitari të vërtetë, duke braktisur sot sallën e Parlamentit në momentin e votimit. Siç u pa, shumica ishte në limitet e saj edhe për shumicën e thjeshtë. Kjo dëshmon se kostot e rënda që ka vendosur të marr Rama si Kryetar me sjelljen e tij menefreghiste. Nga Alban Daci