web counter
LEXO PA REKLAMA!

SHKARKO APP

App Store
Google Play

Rikthehen përplasjet PS-LSI/ Tensione në Fier, Shkodër, Pogradec e Dibër

10 Shkurt 2017, 09:35, Aktualitet CNA

Para zgjedhjeve parlamentare të 18 qershorit, rikthehen fuqishëm përplasjet PS-LSI. Në një kohë kur po afrohet muaji prill, për të nënshkruar kontratën e re të bashkëpunimit, konflikti  në bazë mes PS dhe LSI  ka shpërthyer sa i takon mos zbatimit të marrëveshjes  së vjetër.

Në Fier, Shkodër, Pogradec dhe Dibër, situata nuk paraqitet e mirë, pasi strukturat, qoftë  nga PS dhe LSI, kanë ngritur zërin pasi nuk po respektohet marrëveshja e vjetër e 1 prillit, shkruan “SOT”.  Në qarkun e Fierit sa vjen dhe tensionohet situata, ku LSI ka ngritur akuza se socialistët kanë uzurpuar të gjitha vendet e punës , duke e nxjerrë jashtë loje forcën aleate të pushtetit.

Sipas burimeve, LSI mendon të hakmerret ndaj socialistëve, duke bllokuar thuajse të gjitha vendimet në Këshillat Bashkiakë. Shkodra ka qënë bastion i së djathtës dhe PS synon që t’ia rrëmbejë me fitore këtë bastion PD.

Por duket se LSI në Shkodër  po kërkon të fitojë shumë terren  dhe të forcojë pozitat e saj, duke nxjerrë jashtë loje PS. Por kryeministri Rama është shumë i shqetësuar dhe u ka tërhequr “veshin” strukturave të PS atje, duke u bërë thirrje  që të bëhen sa më shumë  aktivë dhe në zgjedhjet e 18 qershorit, Shkodra si bastion ti kalojë PS.

Nga ana tjetër, situata në Dibër dhe Pogradec po shtohet. LSI ka një inat të vjetër me socialistët në Pogradec, pasi ia atribuojnë fajin PS për humbjen e kësaj Bashkie nga LSI. Strukturat e LSI në Pogradec, si kundërpeshë kanë kërkuar që të marrin më shumë vende pune në administratë, por kjo ka acaruar socialistët. Ndërsa në Dibër, socialistët e knë nxjerrë jashtë loje LSI. Strukturat e LSI,edhe pse kanë zhvilluar disa takime me strukturat e PS, marrëveshja vijon të mos zbatohet. /CityNews 





Lajmet e fundit nga