web counter
LEXO PA REKLAMA!

SHKARKO APP

E fundit!

x

Foto/ Ja kush është autori i grabitjes në aeroportin e Rinasit

9 Shkurt 2017, 22:06, Aktualitet CNA

Interpol ka publikuar foton e autorit të shpallur në kërkim ndërkombëtar për grabitjen në Rinas të ndodhur më 1 korrik të vitit 2016. Bëhet fjalë për 40-vjeçarin Aleks Pepa, me origjinë nga Elbasani.

Mendohet se Pepa kishte rolin e shoferit në vjedhjen brenda aeroportit të Rinasit, ndërsa vijojnë hetimet për identifikimin e dy personave të tjerë. Ballkanëeb shkruan se ai është zbuluar nga parukja e tij të gjetur në automjetin, të cilit iu vu flaka pas grabitjes nga autorët. Në paruke u gjet material i mjaftueshëm dhe analiza e ADN, që çoi në identifikimin e tij.
Në faqen zyrtare të Interpol thuhet se Pepa është pjesë e një organizate kriminale.

Ai dyshohet edhe për disa vepra të tjera penale. Grabitja brenda rrethimit të aeroportit të Rinasit më 1 korrik 2016, ishte një nga ngjarjet më të bujshme, ku u fol për miliona euro të grabitura. Ndërsa u pa edhe si cenim i sigurisë kombëtare./CityNews





Lajmet e fundit nga