web counter
LEXO PA REKLAMA!

SHKARKO APP

App Store
Google Play

Sherifi: Pse u largova nga PS dhe për çfarë ka nevojë Shqipëria

9 Shkurt 2017, 20:59, Aktualitet CNA

Kreu i partisë Lidhja për Drejtësi e Progres, Elmaz Sherifi, sqaron arsyet e largimit nga Partia Socialiste, në emisionin ?Arena? në Rtv Ora Neës.

Sherifi shprehet se Shqipëria ka nevojë për një reformë të madhe politike. Ai thekson se mungon morali në koalicionin qeverisës, dhe se tani është bërë i dukshëm.

?Portat e mendimit të lirë u mbyllën dhe kjo ishte arsyeja që u largova. Mua nuk më bën përshtypje pse ka konflikt, por pse u bashkuan. Koalicioni normal do të ishte në vitin 2009. Ky moral politik mungonte, tani është bërë i dukshëm.
Konflikti është i hapur dhe thuhet nuk ka konflikt. Sot ka ikur nga koalicioni i fillimit Partia e të Drejtave të Njeriut dhe ka ardhur një parti tjetër e djathtë. Koncepti mbi të majtat dhe të djathtat duhet ndryshuar. Duhen parë realitetet e reja politike. duhet të ndërtojmë koalicione që bazohen mbi vlera morale dhe jo bashkime ideologjike. Nëse duhet të ketë një reformë të madhe në Shqipëri, është reforma në politikë. Asnjëherë, Shqipëria nuk ka pasur një klasë politike kaq të akuzuar. Problemi është kompromentuar. Ky është Parlamenti që do të hyjë në historinë botërore që ka bërë një ligj për të dekriminalizuar vetveten. Ky është një Parlament i cili duhet të miratojë ligje për të garantuar drejtësi të munguar. Vetë ligji i Vettingut është i mangët. Jemi përpara një fakti se si e kupton t?i ligjin e Vettingut. Edhe aspektet procedurale kanë ardhur si rezultat i një pune kaq të ngutshme si jurist dhe pedagog i filozofisë të së drejtës. Ky proces nuk mund të kryhet nga kjo klasë politike?, deklaron Sherifi./CityNews





Lajmet e fundit nga