web counter
LEXO PA REKLAMA!

SHKARKO APP

App Store
Google Play

Grabitja në Rinas/ Shkon në 6 numri i të arrestuarve

10 Shkurt 2017, 08:44, Aktualitet CNA

Me arrestimin e një 56 vjeçari,  tashmë shkon në gjashtë numri i të arrestuarve lidhur me grabitjen e bankës një ditë më parë.

Grabitja u shënua në aksin Tiranë-Rinas, ndërsa burime zyrtare nga blutë e Tiranës bëjnë me dije se kanë vënë në pranga drejtuesin teknik të shoqërisë së sigurimit.

Ai është shtetasi Fatmir Gapi, 56 vjeç. Nga burime jo zyrtare, dyshohet se janë grabitur 4 mln euro, 8 thasë me nga 500 mijë euro, ndërsa shifra zyrtare është 2.5 mln euro, me destinacion Vjenën.

Aktualisht Policia e Tiranës i ka hequr licencën policisë private dhe ka nisur nga hetimet. 

“Më datë 09.02.2017, rreth orës 13:24, në segmentin Rrugor interurban Qafë Kashari – Rinas janë vjedhur me armë zjarri, nga disa persona të paidentifikuar, dy automjete në dukje të blinduara të një Shoqërie Private të Sigurisë Fizike, e më pas janë larguar me dy mjete të cilat janë gjendur të djegura pranë vendit të ngjarjes.

Në vendngjarje janë gjetur dhe sekuestruar në cilësinë e provës materiale 13 gëzhoja, model 64 dhe model 56, 2 automjetet e Shoqërive Private të Sigurisë Fizike, 2 automjetet e djegura plotësisht, të dyshuara të përdorura nga autorët, shumat monetare që po transportoheshin në drejtim të Rinasit ishin të një banke të nivelit të dytë, shumë e cila ende nuk është përcaktuar.

Si rrjedhojë janë arrestuar shtetasit Fatmir Gapi, 56 vjeç, banues në Tiranë, me detyre drejtues teknik i SHPSF, Xhelil Metaj, 43 vjeç, banues në Tiranë, me detyre punonjës SHPSF,  Gentian Dedja, 31 vjeç, banues në Tiranë, me detyre punonjës SHPSF, Perparim Logu, 39 vjeç, banues në Tiranë, me detyre punonjes SHPSF, Endrit Daçi, 31 vjeç, banues në Tiranë, me detyre shofer i shoqerise, Dashamir Balla, 42 vjeç, banues në Tiranë, me detyre shofer i shoqerise”.

Materialet proceduriale do ti kalojnë Prokurorise së Rrethit Gjyqësor Tiranë, për veprat penale të “Vjedhjes me arme”, kryer në bashkëpunim, mbetur në tentative dhe “Shpërdorim detyre”. /CityNews 

 

 

 

 





Lajmet e fundit nga